《客家消息》

| | | 轉寄

轉載:苗栗烏眉坑漢番界古道修復開工

  客家文化生活環境營造ke推動,在苗栗通霄結合了古道修復lâu地方信仰。客家委員會主委李永得六月二十三號朝晨參加「通霄鎮烏眉坑客家古城漢番界古道計畫第二期工程暨宗教觀光環境工程動土儀式」時期許,烏眉坑環山步道完工後,在沐浴宗教法喜ke同時,也歡迎大家享受此地ke風光靈氣。

  在今晡日一早開工典禮上,李主委lâu內政部徐國勇部長、通霄鎮長陳漢志liá-teû貴賓共下拈香祈福開工順利,李主委向鄉親強調,玉清聖殿yû好風水,地靈人傑,在建廟ke同時m̀-tân-chhiang為宗教事務,ya因為在客家庄,透過lâu客家社區結合,lâu客家文化lâu宗教連結,期盼做得共下推動地方觀光事業,帶動客家地區社區發展。

  「漢番界古道」he通霄鎮烏眉里hi西湖鄉高埔村ke大崎農路,he to隔壁鄉鎮ke必經之路,早期當地居民喊kì做「大崎古道」,he苗栗內山lâu沿海居民kâu-kôn ke交通樞紐,烏眉里ti銅鑼、西湖鄉交界處,丘陵縱橫、山谷遍佈,坡度當大,當地居民oi偎靠石砌階梯作為貨物運送to鄰鄉ke捷徑,本環山步道工程完成後,tui當地居民健康yi好。

  客委會表示,本案he苗栗縣通霄鎮鎮公所申請,總經費為2千萬元,客委會核定補助1,800萬元,計畫執行項目包含改善步道長度820m、沿線指示設施、休憩設施、景觀植栽liá-teû,期盼完成後做得提供pûn民眾一隻還啊好ke文化liau-liòng空間。