《李喬小說─寒夜》

| | | 轉寄

兒女情(1)

  阿漢和阿陵兩屋共下tai ke茅屋,在彭屋左片蘇屋右片ke小空地上動工。除佢兩人外,許家、蘇家、彭家各派一人來支援。

  山中ke生活,雖然簡陋卻也方便;兩房一廳,外加順等屋簷伸延出來ke小灶下,憑等雙手lâu斧頭、鋸仔、大刀mà,lâu茅草、稻桿、桂竹、赤柯、櫸木等倒下,搬來,敲敲打打一番,這就搭將起來。

  彭家新搭ke豬舍在禾埕左後角,堵好lâu阿漢他們新蓋茅屋隔五丈距離遙遙相對。這是彭家ke大發展,像樣ke人家,總he要畜豬。

  燈妹擐豬菜桶一走過來,阿漢就發現了。

  他抑制自己mò向該片看去,m̀過yi難;轉身仰俯間,當自然ke,該著等用鑊灰染ke灰布衫ke薄薄身影,總要飃入眼肚;縱使搖頭sap目,她ke倩影還he清晰確切ke留在該片。

  燈妹頭磬磬仔餵豬,目不轉睛盯住饞相十足,在猛吃猛吞ke豬仔。

  她一直試著當多目珠圍等自家;不懷好意ke,取笑ke,還有該深沉ke……。

  前天早上,阿媽正式告訴她婚嫁ke事。

  Yi長yi長一段時間,她陷入迷惘恍惚ke境地。雖然在這之前,二嫂芹妹和大姑順妹既經透露過這消息。M̀過,她恅著該he一種譏刺,撩她尋開心定定。

  這駁仔,她承受thióng多了,這兜譏刺取笑,在她已he完全麻木ke。

  這下阿媽居然向她認真講這兜!Ko講這麼多話;一年的ke時間,阿媽也m̀識lâu自家講恁多話,尤其還提起有兜事同自家商量哩。

  「M̀ he正經的ke,mò定著he lâu ngài……」

  她儘量使自己kha清醒兜仔,努力尋思阿媽話底肚的真正意思。

  這駁仔,腦海當少he十分清醒ke。迷迷糊糊m̀清醒ke狀況,也有好處;這樣kha好過,也kha m̀驚。

  這下,做m̀得ko恁呢做,得用心想想;就當像接受嫁pûn阿秀該事實,需要慢慢仔認真去想想,然後正做得pûn自家進入情況一樣。

  「如果真的,那,一定不會成的。」這he她的第一個肯定。

  道理當簡單:我oi成為彭家四媳婦,mò ko he花囤女,這he好ke改變,好ke改變自然同我燈妹mò緣。

  該阿漢,比人秀好得多,又講嫁出去。恁好ke運道。當然m̀會落在ngài身上。

  該,到底阿媽——他們,想lâu ngài樣仔?

  燈妹她,苦苦ke,反覆ke恁呢想。

  「阿燈妹,這幾天,在家幐手若二嫂吧,mò上山了。」阿媽恁呢說。He用án-nè親切ke聲音講!

  「阿媽,我還是去拓圃園好。」她倏然間哽著。

  人秀死後,阿媽那樣眼睛圓睜,咬牙切齒ke臭罵她幾次之後,阿媽就mo3lau5她平心靜氣說過一句話。

  「傻呆!茅屋一好,就oi嫁人了,pûn妳休息還m̀好?」

  「……m̀使了,ngài做得上山……」

  阿媽長長一嘆,拿目珠緊端詳她。該he充滿慈愛,和藹ke面容,也he十分陌生的面容——阿媽總he這個神情同人秀,德福,德新他兜講話。她輒常看著,該單淨he ti唇項看著,或遠處看著;至於向等自己,該就mò。這也he當自然ke,應該ke。

  敢m̀是?Ngài he一個花囤女定定,用錢買ke。她想。

  所以,阿媽突然lâu她恁樣講話,她十分驚慌失措。

  「阿媽……」一團燙熱ke麼个,猛地tui心坎湧上來。她ke四肢居然略略仔打惇。她幾想奔過去,捉起阿媽ke手;不,還是he偎依過去,甚至倒在阿媽懷肚正好。

  「阿燈妹妳?妳噭了?做麼个?」阿媽一楞,神色跈等黯淡下來。她驀然一驚,寒意泛自背囊一帶。她想,自己thióng放肆了。

  煞煞頭那磬下去。她又恢復溫馴細膩,畏畏怯怯ke模樣。

  「哼!妖孽!」