約翰福音第二章
作者 客語聖經 2012.03.18
第 二 章
迦 拿 婚 姻 ke 筵 席
1 第 三 日 在 加 利 利 ke 迦 拿，有 筵 席；耶 穌 阿 姆 在 ke 位。
2 耶 穌 lâu 祂 ke 門 徒 也 pûn 他 têu 請 來 赴 筵 席。
3 酒 飲 淨 淨，耶 穌 ke 阿 姆 就 lâu 祂 講：「他 têu 無 酒 lè.」 4 耶 穌 講：「阿 姆，求 妳 m̀ 好 干 涉 我 做 mak-ke ? 我 ke 時 候 màng 到。」
5 祂 阿 姆 就 lâu 僕 人 講：「大 凡 祂 所 lâu 你 têu 講 ke, 你 têu 就 照 祂 ke 話 去 做。」
6 在 ke 位 設 有 六 個 石 甕，照 猶 太 人 潔 淨 禮，各 裝 一 百 公 升 ke 水 。
7 耶 穌 lâu 他 têu 講：「Liá-têu 石 甕，就 將 水 裝 滿。」他 têu 就 裝 滿 到 完 成。
8 耶 穌 就 lâu 他 têu 講：「Liá-ha 好 舀 來，送 pûn 管 筵 席 ke 人。」 他 têu 就 送 去。
9 管 筵 席 ke 人 試 飲 已 經 變 酒 ke 水，m̀知 酒 係 tui nai 位 來，(只 有 舀 水 ke 僕 人 知) ，管 筵 席 ke 人 喊 新 郎 來，
10 就 lâu 他 講：「別 人 先 送 好 酒；等 人 客 飲 到差 m̀ 多 後，tsang 上 普 通 ke 酒：只 有 你 留 好 酒 到 liá-ha.」
11 Liá-ke 係 祂 行 神 蹟 ke 起 頭，耶 穌 行 在 加 利 利 ke 迦 拿，來 顯 明 祂 ke 榮 光；祂 ke 門 徒 就 信 靠 祂。
12 此 後 耶 穌 去 迦 百 農，祂 lâu 祂 ke 阿 姆，祂 ke 兄 弟，lâu 祂 ke 門 徒：祂 têu he̍t 在 ke 位 幾 日。
耶 穌 潔 淨 聖 殿
13 猶 太 人 ke 逾 越 節 會 到 lè, 耶 穌 就 上 耶路 撒冷。
14 在 聖 殿 看 到 有 人 賣 牛、羊、月 鴿è,lâu 對 換 銀 錢 ke 人 在 ke 位 坐。
15 耶 穌 就 用 索 做 鞭 è , kiuk 牛 羊 出 聖 殿，又 到 對 換 銀 錢 ke 人 ke 位，倒 出 他 têu ke 銀 錢，súng-vang 他 têu ke 桌 è ;
16 又 對 賣 月 鴿è ke 人 講：「Liá-têu 東 西 搬 走；m̀ 好 將 吾 爸 ke 聖 殿，來 做 買 賣 ke 市 場。」
17 祂 ke 門 徒 想 起 聖 經 有 記 載 講，為 著 你 聖 殿 大 發 熱 心，像 心 中 tsho̍k 火！
18 總 係 猶 太 人 應 祂 講：「既 然 做 liá-têu 事，有 mak-ke 神 蹟 pûn 我 têu 看？」
19 耶 穌 應 他 têu 講：「你 têu 拆 掉 liá-ke 聖 殿，三 日 內 我 就 oi 再 起 起 來。」
20 所 以 猶太 人 又 講：「Liá-ke 聖 殿，已 經 起 了 四 十 六 年 久，你 三 日 內 oi 再 起 起 來？」
21 總 係 耶 穌 所 講 係 用 祂 ke 身 體 做 聖 殿。
耶 穌 對 人 心 ke 了 解
22 所 以 祂 對 死 中 再 復 活 以 後，祂 ke 門 徒 就 記 得 祂 有 講 liá-ke 話；就 信 聖 經，lâu 耶 穌 所 講 過 ke 話。
23 逾 越 節，耶 穌 在 耶路 撒冷，節 氣 間，盡 多 人 看 祂 所 行 ke 神 蹟，就 信 靠 祂 ke 名。
24 總 係 耶 穌 無 將 自 家 託 在 他 têu,因 為 祂 知 眾 人，
25因 為 m̀ 使 má 人 來 做 證 人；因 為 祂 自 家 深 深 知 人 心。
|
|
|
轉寄
