《客語白話字聖經試讀版》

 | | | 轉寄

Mâ-thai Fuk-yîm, Thi-4-tsông_1, Yâ-sû Su Sṳ-tham

作者 Hak-ngî Sṳn-kîn 2010.02.21

4:1 Tshai ke-sṳ̀ Yâ-sû pûn Sṳn-Lìn tai ngi̍p-hi khóng-yâ su mò-kuí ke sṳ-tham.
4:2 Kim-sṳ̍t si-sṳ̍p ngit-ya heu,Yâ-sû tshiu tú-kî.
4:3 Sṳ-tham-tsá tshiu lòi tui Kì kóng : “Ngì ká-sṳ́ he Song-ti ke Tsṳ́, tshiu min-lin liá-têu sa̍k-thèu pien-tso piáng.”
4:4 Yâ-sû en kóng : “ Sṳn-kîn ki-tsai kóng : ‘Ngìn ke sên-tshùn m̀-he tân-tshiang khau piáng, he khau Song-ti só kóng ke tak-ki fa.’ ”
4:5 Mô-kuí tshiu tai Kì ngi̍p sṳn-sâng,ham Kì liù tshai sṳn-thien tsui-kô ke só-tshai,
4:6 tui Kì kóng : “Ngì ká-sṳ́ he Song-ti ke Tsṳ́, tshṳ-kâ thiau hâ-hi ! Yîn-vi Sṳn-kîn yû ki-tsai kóng : “Tsú vi-tsho̍k Ngì oi min-lin Kì ke tsung sṳ́-tsá,yung kì-têu ke sú fù- tshṳ̀ Ngì,sṳ́ Ngì-ke kiok m̀ voi thet-tó sa̍k-thèu. ”
4:7 Yâ-sû tui kì kóng, Sṳn-kîn ya yû ki-tsai kóng : ‘M̀ hó sṳ-tham Tsú, ngì-ke Song- ti. ’ ”
4:8 Mô-kuí yu tai Yâ-sû to yit-tsho tshin kô ke sân, pûn Kì khon sṳ-kie só yû ke kuet, pin kì-têu ke yùng-fà fu kui;
4:9 tshiu tui Kì kóng : “Ngì ká-sṳ́ khuí hâ-lòi pai ngài, liá-têu ngài tshiu oi tshiòn- phu pûn Ngì. ”
4:10 Yâ-sû tshiu tui kì kóng : “Sat-tan sám khôi ! Yîn-vi Sṳn-kîn yû ki-tsai kóng : ‘Ngì oi pai Tsú, ngì-ke Song-ti, thu̍k-thu̍k sṳ-fung Kì. ’ ”
4:11 Ke-sṳ̀ mò-kuí tshiu lì-khôi Yâ-sû; yû sṳ-tsá lòi sṳ-fung Kì.