《客語白話字聖經試讀版》

 | | | 轉寄

Yok-hon Fuk-yîm, Thi-18-tsông_6 Tshai Pí-lâ-tô Mien-tshièn Su Sṳ́m-phan

作者 Hak-ngî Sṳn-kîn 2009.09.06

約 18:28 Tsúng-he kì-têu tshiu tai Yâ-sû tshiùng Kâi-â-fap ke-vi sung-to tsúng-tuk-fú. Ke-sṳ̀ he tsêu-sṳ̀n-thèu, Yù-thai-ngìn tshṳ-kâ ya mò ngi̍p tsúng-tuk-fú, yîn-vi kì-têu oi pó-tshṳ̀ tshiang-li, tsang tso-tet sṳ̍t Yì-ye̍t-tsiet ke yèn-si̍t.
約 18:29 Só-yî Pí-lâ-tô tshiu tshut-lòi kien kì-têu kóng: “Ngì-têu yung mak-ke tshui-miàng lòi ko liá-ke ngìn?”
約 18:30 Kì-têu tshiu en kì kóng: “Na liá-ke ngìn mò tso fái-sṳ, ngài-têu tshiu m̀-voi tsiông Kì tai lòi ngì liá-vi.”
約 18:31 Pí-lâ-tô lâu kì-têu kóng: “Ngì-têu tai Kì tsón-hi, tseu ngì-têu ke li̍t-fap hi sṳ́m-phan Kì.” Yù-thai-ngìn tui kì kóng: “Ngài-têu mò khièn hó phan ngìn sí-hìn.”
約 18:32 (Liá tshiu yin-ngiam Yâ-sû siên-tshièn só kóng ke fa, Kì oi ngióng-pân sí ke fa.)
約 18:33 Pí-lâ-tô yu ngi̍p tsúng-tuk-fú, ham Yâ-sû lòi, tui Kì kóng: “Ngì he Yù-thai-ngìn ke vòng mâ?”
約 18:34 Yâ-sû en kóng : “Liá-he ngì tshṳ-kâ oi mun ke, ya-he yû phe̍t-ngìn lâu ngì kóng Ngài-ke sṳ, ngì tsang án-ngiòng mun nè?
約 18:35 Pí-lâ-tô en kóng: “ Ngì láu-tó Ngài he Yù-thai-ngìn mâ? He Ngì pún-kuet tshṳ-kâ ke tsṳ́n-mìn lâu tsung-tsi-sṳ̂-tsóng tshut-mai Ngì pûn ngài .Ngì to-tái tso-mak-ke sṳ né?”
約 18:36 Yâ-sû en kóng: “Ngài-ke Kuet m̀-he su̍k tshai liá sṳ-kiên ke Kuet; ká-sṳ́ Ngài-ke Kuet he su̍k tshai liá sṳ-kiên ke Kuet, Ngài-ke ngìn-mìn tshiu pit vi Ngài siông-tshṳ̀, Ngài tshiu m̀-voi pûn Yù-thai-ngìn tshut-mai, tsúng-he liá-ha Ngài-ke Kuet m̀-he su̍k tshai liá-vi.”
約 18:37 Pí-lâ-tô tshiu mun Kì kóng : “Án-ngiòng kóng Ngì he vòng lô?” Yâ-sû en kóng: “Ngài he vòng,Liá-he ngì kóng ke. Ngài he vi-tsho̍k liá-ke yèn-ku tshut-se lòi ngi̍p sṳ-kiên, tshiu-he oi vi-tsho̍k tsṳ̂n-lî tso-tsṳn. Só-yû he su̍k tsṳ̂n-lî ke ngìn, kì tshiu-voi thèn Ngài-ke fa.
約 18:38 Pí-lâ-tô tshiu tui Kì kóng: “Tsṳ̂n-lî he mak-ke né?” Kóng- liáu, Pí-lâ-tô yu tshut-hi kien Yù-thai-ngìn, tui kì-têu kóng: “Liá-ke ngìn, ngài tshà-m̀-tshut yû mak-ke tshui.