《客語白話字聖經試讀版》

 | | | 轉寄

Yok-hon Fuk-yîm, Thi-12-tsông_3 Kông-yùng Ngi̍p Yâ-lu-sat-lâng

作者 Hak-ngî Sṳn-kîn 2009.04.12

約 12:12 To thi-ngi-ngit lòi fu tsiet-khì ke tsung-ngìn, yit thâng-tó Yâ-sû oi lòi-to Yâ-lu-sat-lâng.
約 12:13 Tshiu nâ-tén tsûng-su-kî, tshut-hi ngiàng-tsiap Kì, thai-sâng ham kóng : Tsan-mî Song-tsú, ngien tshâi Tsú miàng lòi ke ngìn, ngien Yî-set-lie̍t vòng, tet-tó su-fuk.
約 12:14 Yâ-sû tshìm-tó yit-tsak se-lì-è, tshiu khì sông-hi, tshiu tseu Sṳn-kîn só ki-tsai ke :
約 12:15 Siak-ôn-sàng ke tsṳ́-ńg mo̍k kiâng, khon â! Ngì-têu ke vòng khì lì-è lòi lé.
約 12:16 Liá-ke sṳ-tshìn Kiâ mùn-thù yit khôi-sṳ́ m̀-liáu-kié; m̀-ku to Yâ-sû tet yùng-kông lé, ke-sṳ̀ kì-têu tshiu ki-tet Sṳn-kîn yû liá-ke fa, ki-tsai lun-khi̍p Kì, kì-têu yû tsṳn-kîn tseu só yi-ngièn ke hàng.
約 12:17 Tsúng-he, tông Yâ-sû ham Lâ-sat-lu tui fùn-mu tshut-lòi, yu su kì tui sí fán-sâng, ke sṳ̀ lâu Kì thùng tshai ke tsung-ngìn, tshiu lâu Kì tso-tsṳn.
約 12:18 Tshiu-he vi-tsho̍k liá-ke yèn-ku tshut-hi ngiàng-tsiap Yâ-sû, yîn-vi yû thâng-tó Kì sóhàng liá-ke sṳ̀n-tsiak.
約 12:19 Fap-li-soi-ngìn tshiu pí-tshṳ́ kóng : “Khon â! Ngài- têu tsṳ̂n-sṳt he yit-sṳ-vù-sṳ̀n, sṳ-kie tshiòn-phu hi thèn-tén Kì lé.