《客語白話字聖經試讀版》

 | | | 轉寄

Yok-hon Fuk-yîm, Thi-10-tsông_1 Yòng-làn ke Pí-yi

作者 Hak-ngî Sṳn-kîn 2009.02.01

約 10:1 Ngài sṳ̍t-tshai lâu ngì-têu kóng: “Só-yû ngìn ngi̍p yòng-làn mò tui mùn, fán-tsón tshiùng phe̍t-vi phàn-ko-lòi, liá-ke tshiu-he tshe̍t-é,he khiòng-tho.
約 10:2 Tshiùng mùn ngi̍p-hi ke, kì tshiu-he yòng ke mu̍k-tsá.
約 10:3 Tsóng-mùn ke vi kì khôi-mùn;yòng ngin-sṳt kì-ke sâng; kì tshiu tseu miàng-è lòi ham tshṳ-kâ ke yòng, yu tai kì-têu tshut-lòi.
約 10:4 Kì piong-tshut tshṳ-kâ tshiòn-phu ke yòng, tshiu hàng tshai kì-têu thèu-tshièn, yòng tshiu thèn-tén kì; yîn-vi kì-têu sṳt kì-ke sâng.
約 10:5 Kì-têu m̀ thèn sâng-fun-ngìn, fán-tsón lì-khôi kì lòi sám-tséu, yîn-vi m̀-sṳt sâng-fun-ngìn ke sâng.”
約 10:6 Yâ-sû hiong kì-têu kóng liá-ke pí-yi, tsúng-he kì-têu m̀-voi mìn-pha̍k Kì só kóng ke he mak-ke yi-sṳ.
約 10:7 Ku-só Yâ-sû yu tui kì-têu kóng: “Ngài sṳ̍t-tshai lâu ngì-têu kóng, Ngài he yòng ke mùn.
約 10:8 Tshai Ngài siên-tshièn lòi ke tshiòn-phu he tshe̍t-é, khiòng-tho; tsúng-he yòng m̀ thâng kì-têu.
約 10:9 Ngài tshiu-he mùn, tui Ngài ngi̍p-lòi ke, kì tshiu pit tet-kiu. Tshṳ-yù tshut-ngi̍p ya tet tshìm-tó tshó-phû.
約 10:10 Tshe̍t-é lòi tshiu-he oi thêu, oi tshṳ̀, oi fí-me̍t, Ngài lòi tshiu-he oi sṳ́ kì-têu yû sâng-miang, tshiu-he fûng-fûng-fu-fu ke sâng-miang.
約 10:11 Ngài he hó mu̍k-tsá, hó ke mu̍k-tsá vi-tsho̍k yòng lòi hî-sên sâng-miang.
約 10:12 Tshiáng-lòi-ke kûng-ngìn, m̀-he mu̍k-tsá, yòng-è m̀-he kì tshṳ-kâ ke, khon-tó sài-lòng lòi, tshiu piong-thet yòng, thò-tséu, sài-lòng tshiu kûng-kit yòng-khiùn, sṳ́-tó yòng tséu-san.
約 10:13 Kûng-ngìn thò-tséu yîn-vi kì he tshiáng-lòi-ke, mò kuân-sîm yòng-khiùn.
約 10:14 Ngài he hó ke mu̍k-tsá, Ngài sṳt-tet yòng, yòng sṳt-tet Ngài.
約 10:15 Tshiong Â-pâ sṳt Ngài, Ngài ya sṳt Â-pâ án-ngiòng, Ngài yu vi-tsho̍k yòng hî-sên Ngài-ke sâng-miang.
約 10:16 Ngài ya-yû phe̍t-ke yòng, m̀-he tshai liá-ke yòng-làn, ke-têu Ngài ya-oi yîn-tai lòi, kì-têu pit-oi thèn Ngài-ke sâng, tsiông-lòi kap-tso yit-khiùn,thùng- su̍k yit-ke mu̍k-tsá.
約 10:17 “Â-pâ oi-siak Ngài, yîn-vi Ngài hî-sên Ngài-ke sâng-miang, sṳ́-tó lòi tet-tó sâng-miang.
約 10:18 Mò ngìn nèn tsiông Ngài-ke sâng-miang tshióng-tséu, fán-tsón he Ngài tshṳ-ngien hî-sên, Ngài yû khièn lòi hî-sên, ya-yû khiên lòi tet-tó kì. Liá-he Â-pâ min-lin Ngài tso ke.”
約 10:19 Vì-tsho̍k liá-ke fa, Yù-thai-ngìn tsûng yîn-hí fûn-tsên.
約 10:20 Khì-tsûng yû ngìn kóng: “Kì pûn kuí fu-sṳ̂n, Kì pot-tiên lé; ngì-têu thâng Kì tso-mak-ke?
約 10:21 Yû phe̍t-ngìn kóng: “Pûn kuí fu-sṳ̂n ke ngìn mò khó-nèn kóng-tshut liá-tsúng ke fa. Kuí voi sṳ́-tó mô-muk ke ngìn ke muk-tsû khon-tet-tó mâ ?”