《客語白話字聖經試讀版》

 | | | 轉寄

Mâ-khó Fuk-yîm thi 4 tsông_03 Kié-sṳt Ve-tsúng ke Pí-yi

作者 Hak-ngî Sṳn-kîn 2014.01.05

4:13 Ya-sû tui kì-têu kóng : “Liá-ke pí-yi ngì-têu he m̀ mìn-pha̍k mâ? Án-ngiòng ngióng-pân voi mìn-pha̍k yit-tshiet ke pí-yi nò?

4:14 Ve-tsúng ke ngìn tshiu-he ve Song-tsú ke tsṳ̂n-tho.

4:15 Yû-têu ngìn tshiong lo̍k tshai lu-sùn ke tsúng-tsṳ́, tsit-he tsṳ̂n-tho lo̍k tshai ke-vi, Sat-tan tsit-sṳ̀ tshiu to, tsiông ve tshai kì-têu sîm-tsûng ke tsṳ̂n-tho tshióng-tséu.

4:16 Ya yû-têu ngìn tshiong lo̍k tshai sa̍k-thièn-hong ke tsúng-tsṳ́, tshiu-he kì-têu thâng-tó tsṳ̂n-tho, tsit-sṳ̀ fôn-hí tsiap-na̍p;

4:17 tsúng-he tsṳ̂n-tho tshai kì-têu tshṳ-kâ nui-sîm tang-kîn mò tshṳ̂m,tshùn mò kí-kiú; yit-tán vi-tsho̍k tsṳ̂n-tho tù-tó khun-nàn ya-he pet-hoi, tshin kiak tshiu tiet lo̍k-hi.

4:18 Ya yû -têu ngìn tshiong lo̍k tshai net-è tî-poi ke tsúng-tsṳ́; kì-têu yû thâng-tó tsṳ̂n-tho,

4:19 tsúng-he liá sṳ-kiên sên-fa̍t ke tshâu-sîm, tshôi-vu̍t ke yú-fe̍t, lâu kok-tsúng ke yu̍k-mong, ngi̍p lòi tsiông tsṳ̂n-tho hip-tén, kì tshiu m̀ voi kiet kó-tsṳ́.

4:20 Yû-têu ngìn tshiu-he ve tshai hó-nài tî-poi ke tsúng-tsí, thâng-tó tsṳ̂n-tho tshiu tsiap-na̍p, tshiu kiet kó-tsṳ́, yû-têu sû-sṳ̀n sâm-sṳ̍p-phi, yû-têu liuk-sṳ̍p-phi, yû-têu yit-pak phi.