《客語白話字聖經試讀版》

 | | | 轉寄

Mâ-khó Fuk-yîm thi 4 tsông_01 Ve-tsúng ke Pí-yi

作者 Hak-ngî Sṳn-kîn 2013.12.22

4:1 Yâ-sû yu tshai Kâ-li-li fù-sùn kau-hiun ngìn; yû yit thai-khiùn-ngìn tshṳ-si̍p, sióng-oi tshîn-tshiu Kì, ku-só Yâ-sû sông-sòn hi tshô-tén. Sòn thìn tshai fù-tsûng, tsung-ngìn tshiòn-phu khî tshai fù ke sùn-thèu.

4:2 Yâ-sû yung pí-yi kâu kì-têu tho-lî, tshai kau-hiun kì-têu ke sṳ̀-heu, tui kì-têu kóng :

4:3 “Ngì-têu oi tsu-yi thâng; yû yit-ke ve-tsúng-ke ngìn tshut-hi ve-tsúng.

4:4 Kì ve ke sṳ̀-heu, yû-têu tsúng-tsṳ́ tiet tshai lu-sùn, tiâu-é tshiu pî-lòi tsiông kì-têu sṳ̍t-thet.

4:5Yû-têu lo̍k tshai tshin tshién ke sa̍k-phàn-song, yîn-vi nài tshin tshièn, tsúng-tsṳ́ tshiu tshin kiak pau-ngà tshut-lòi;

4:6 ngit-thèu yit tshut-lòi, nun-ngà tshiu khû-tsâu thet-hi; yîn-vi kîn mò la tshṳ̂m.

4:7 Yû ke lo̍k-tshai net-è tî-poi; net-è thai-hí-lòi, tshiu khi̍t-tén yông-é.

4:8 Yû ke lo̍k tshai phì-thi, tshiu tsóng-thai kiet-sṳ̍t, yû-têu sû-sṳ̀n yit-pak-phi, yû-têu liuk-sṳ̍p-phi, yû-têu sâm-sṳ̍p-phi.

4:9Yâ-sû ke kiet-lun kóng: “ Yû ngí-khûng hó thâng ke ngìn tshiu oi thâng !”