《客語白話字聖經試讀版》

 | | | 轉寄

Mâ-khó Fuk-yîm thi 3 tsông_04 Yâ-sû lâu Phe̍t-sî-puk

作者 Hak-ngî Sṳn-kîn 2013.12.08

3:20 Yâ-sû ngi̍p hi vuk-tú; yu yû yit-thai-khiùn ngìn lòi tshi-si̍p, hoi kì-têu oi sṳ̍t-fan ke sṳ̀-kiên ya mò.

3:21 Yâ-sû vuk-hâ ke nign3 thâng-kóng liá-ke tshìn-hìn, tshiu tshut-hi oi tsú-tóng Kì, yîn-vi yû ngìn kóng : “Kì pot-tiên lé.”

3:22 Tshiu yû tui Yâ-lu-sat-lâng lòi ke Kîn-ho̍k kau-sṳ̂ kóng : “Kì he pûn kuí-vòng Phe̍t-sî-puk só fu-sṳ̂n ke; kì-têu ya kóng, Kì he khau kuí-vòng lòi kiuk-kuí.”

3:23 Yâ-sû fû-ham kì-têu hàng-tshièn lòi, tshiu yung pí-yi tui kì-têu kóng : “Sat-tan ngióng-voi kiuk Sat-tan nò?

3:24 Yit-ke kuet-kâ he tshṳ-siông fûn-tsên, ke kuet yit-thin voi khî m̀-he̍t.

3:25 Kâ-thìn he tshṳ-siông fûn-tsên, ke kâ-thìn tsiông-lòi yit-thin voi khî m̀-he̍t.

3:26 Na Sat-tan tshṳ-siông fûn-tsên, kì tshiu yit-thin voi khî m̀-he̍t, thin-tsho̍k voi me̍t-mòng.

3:27 “Mò ngìn voi ngi̍p-hi yúng-sṳ ke vuk-hâ lòi tshióng kì-ke tshòi-sán, tshù-fî siên tshàn-tén yúng-sṳ, tsang tshióng-tet-tó kì-ke tûng-sî.

3:28 “Ngài sṳ̍t-tshai lâu ngì-têu kóng, ngìn só fam ke tshui, lâu só kóng fí-pong ke fa, tshiòn-phu tet sa-miên.

3:29 Tsúng-he m̀-lun má-ngìn siet-thu̍k Sṳn-Lìn, ke-ngìn tet m̀-tó sa-miên, voi su thin-tshui to yún-yén. 3:30 (Yîn-vi kì-têu kóng Yâ-sû pûn sià-lìn fu-sṳ̂n.”)