《客語白話字聖經試讀版》

 | | | 轉寄

Mâ-khó Fuk-yîm thi 3 tsông_02 Fù-piên ke Yit Thai-khiùn Ngìn

作者 Hak-ngî Sṳn-kîn 2013.11.24

3:7 Yâ-sû lâu Kiâ mùn-thù tshiu lì-khôi ke-vi hi-to Kâ-li-li-fù ke-phién hi, yû yit-thai-khiùn ngìn thèn-tén kì-têu, liá-têu ngìn he tui Kâ-li-li,Yù-thai,

3:8 Yâ-lu-sat-lâng, Yî-thú-mâi, Yok-tan-hò ngoi, lâu Thai-ngì lâu Sî-tun fu-khiun ke sàng-sṳ lòi ke. Yâ-sû só hàng ke sṳ pûn kì-têu thâng-tó, ku-só tshiu lòi thèn Kì.

3:9 Yâ-sû tui Kià mùn-thù kóng : “Yîn-vi tsung-ngìn lòi thèn Ngài, tshiáng tsún-phi yit-tsak sòn, miên-tet thai-kâ khi̍t-tén.”

3:10 Yîn-vi Yâ-sû yí-kîn yî-hó tshin tô phiang-ngìn, só-yû pot-phiang ke ngìn, tshiòn-phu sióng-oi tsiâm-to thèu-tshièn lòi miâ Kì.

3:11 Ke-têu pûn sià-lìn fu-sṳ̂n ke ngìn, yit-ha khon-tó Yâ-sû, tshiu phuk tshai Kì mien- tshièn, fû-ham kóng : “Ngì he Song-tsú ke Lai-é.”

3:12 Yâ-sû ngiàm-ngiàm kim-tsṳ́ kì-têu, m̀ hó tsiông Kì ke miàng tshòn-tshut-hi.