《客語白話字聖經試讀版》

 | | | 轉寄

Mâ-khó Fuk-yîm thi 2 tsông_01 Yâ-sû Yî-hó Thân-fûng ke Phiang-ngìn

作者 Hak-ngî Sṳn-kîn 2013.10.20

2:1 Kí ngit heu, Yâ-sû yu ngi̍p Kâ-pak-nùng-sàng, thai-kâ thâng-kóng Kì tshai vuk-hâ ke sêu-sit,

2:2 tshiu yû tshin tô ngìn tshi-si̍p, lièn mùn-tshièn ya mò khûng-vi. Yâ-sû tshiu kóng-tho pûn kì-têu thâng.

2:3 Yû ngìn tai yit-ke thân-fûng ke phiang-ngìn lòi kien Yâ-sû.

2:4 Yîn-vi ngìn tshin tô, kì-têu m̀-tet tsiông kì kông-to Yâ-sû mien-tshièn; Só-yì kì-têu tshiu tshai Kì thìn-liù ke só-tshai, tui vuk-táng tshak yit-tsak khûng-é; yèn-heu, tsiông phiang-ngìn lièn kì só soi ke tshó-tshia̍k, tshui-hâ-hi

2:5 Yâ-sû khon-tó kì-têu ke sin-sîm, tshiu tui pot thân-fûng ke ngìn kóng : “Se-tsṳ́ â, ngì ke tshui sa-miên lé.”

2:6 Yû kí-ke Kîn-ho̍k kau-sṳ̂ tshô tshai ke-vi, sîm-tsûng ngi-lun, kóng :

2:7 “Liá-ke ngìn tso mak-ke kám án-ngiòng kóng-fa ? Kì kóng vú-yu̍k Song-tsú ke fa; tshù-liáu Song-tsú,má-ngìn yû sa-tshui ke khièn-piang nò?”

2:8 Yâ-sû tî kì-têu sîm-tsûng sióng mak-ke, tshiu tui kì-têu kóng : “Ngì-têu ngióng-pân án-ngiòng sióng nò?

2:9 Tui pot thân-fûng ke ngìn kóng : ‘Ngì ke tshui sa-miên lè; ya-he kóng : ‘Hong hí-lòi , tai ngì ke tshó-tshia̍k hàng-tsón-hi,’ nai-ke kha yùng-yi?

2:10 Tsúng-he oi sṳ́-tó ngì-têu tî Ngìn-tsṳ́ yû khièn-piang tshai thi-song lòi sa-tshui,” tshiu tui pot thân-fûng ke ngìn kóng :

2:11 “Ngài min-lin ngì hong-hí-lòi, tai ngì-ke tshó-tshia̍k tsón hi ngì vuk-hâ.”

2:12 Ke ngìn tshiu hong-hí-lòi, tai-tén kì-ke tshó-tshia̍k, tông tsung-ngìn mien-tshièn tshut-hi; tsung-ngìn tshiu fî-sòng tsho̍k-kiâng, kuî yùng-kông pûn Song-tsú , kóng : “Ngài-têu tshiùng-lòi m̀-sṳt khon-tó án-ngiòng ke sṳ.”