《客語白話字聖經試讀版》

 | | | 轉寄

Mâ-khó Fuk-yîm thi 1 tsông_05 Ya-sû Yî-hó Tshin Tô Phiang-ngìn

作者 Hak-ngî Sṳn-kîn 2013.09.29

1:29 Kì-têu yit tshut-hi fi-thòng, tshiu thùng Ngâ-kok lâu Yok-hon, ngi̍p Sî-mùn lâu Ôn-tet-lie̍t ke vuk-kâ.

1:30 Sî-mùn ke tshông-mîn-ôi pot-phiang, fat-sêu tshin li-hoi, tshai mìn-tshòng-táng soi-muk; Yâ-sû yit-to, tshiu yû ngìn kóng pûn Yâ-sû tî.

1:31 Yâ-sû tshiu hàng tshièn hi, khiên kì-ke sú, fù kì hí-lòi; sêu-ngie̍t tshiu thui-thet, fu-ngìn-kâ tshiu hong-hí-lòi tsêu-thai kì-têu.

1:32 To lìm-am, ngit-thèu lo̍k-sân ke sṳ̀-heu, yû tshin tô ngìn tai pot-phiang lâu pûn kuí fu-sṳ̂n ke ngìn, lòi kien Yâ-sû.

1:33 Sàng-nui ke ngìn tshiòn-phu tshi-si̍p tshai mùn mien-tshièn.

1:34 Yâ-sû yî-hó tshin-tô pot-phiang ke ngìn, yu kiuk-tséu tshin-tô kuí; ya m̀-tsún ke-têu kuí kóng-fa, yîn-vi kuí sṳt Kì he má-ngìn.