《客語白話字聖經試讀版》

 | | | 轉寄

Mâ-khó Fuk-yîm thi 1 tsông_03 Yâ-sû Fû-seu Si-ke Tá-ǹg ke Ngìn

作者 Hak-ngî Sṳn-kîn 2013.09.15

1:14 Yok-hon pûn-ngìn tshut-mai yî-heu. Yâ-sû lòi-to Kâ-li-li, siên-tshòn Song-tsú ke fuk-yîm.

1:15 yu kóng : “Sṳ̀-kiên yí-kîn to lé, Song-tsú ke Kuet khiùn lé ! Ngì-têu oi hi-tshie̍t tshui-ok,sin-tshiùng fuk-yîm.”

1:16 Yâ-sû tshai Kâ-li-li fù-piên hàng ke sṳ̀, khon-tó Sî-mùn lâu Sî-mùn ke ló-thâi Ôn-tet-lie̍t, tshai fù-tsûng ve-mióng tá-ǹg.

1:17 Yâ-sû tshiu tui kì-têu kóng : “Ngì-têu lòi thèn Ngài, Ngài tshiu pûn ngì-têu tso-tet tet-tó ngìn tshiong tá-tó ǹg yit-yong.”

1:18 Kì-têu tsit-sṳ̀ piong-hâ ke-têu ńg-mióng, tshiu lòi thèn Yâ-sû.

1:19 Yâ-sû hàng tshièn mò kí-yén, tshiu khon-tó Sî-pí-thai ke lai-é Ngâ-kok, lâu kì-ke hiûng-thi Yok-hon. Kì-têu ya-he tshai sòn-táng tsṳ́n-lî ǹg-mióng.

1:20 Yâ-sû tsit-sṳ̀ tshiu fû-seu kì-têu, kì-têu tshiu tsiông Sî-pí-thai lâu kûng-ngìn liù-tshai sòn-táng, hi then Kì.