《客語白話字聖經試讀版》

 | | | 轉寄

Má-thai Fuk-yîm thi 28 tsông_01 Yâ-sû Fu̍k-fa̍t

作者 Hak-ngî Sṳn-kîn 2013.06.23

28:1 Ôn-sit-ngit ko-hi, lî-pai-ngit thiên-mùng-kông ke sṳ̀, Mat-thai-lâ ke Mâ-li-â lâu phe̍t-ke Mâ-li-â hi khon Kì-ke mu-thi.
28:2 Khon-â! Fat-sên thai thi-thûng; yîn-vi yû Tsú ke sṳ́-tsá tshiùng thiên-táng hâ-lòi, hàng-tshièn-lòi sái-khôi ke sa̍k-thèu, tshiu tshô tshai sa̍k-thèu-táng-kô.
28:3 Kì-ke yùng-mau he tshiong thiên-táng ke ngiap-lang, Kì-ke sâm tshiong siet án pha̍k.
28:4 Tshai ke-vi ke vi-pîn, kiâng-to ki̍t-ki̍t-tsûn, tshiong hak-to voi sí ke ngìn án-ngiòng.
28:5 Sṳ́-tsá tui fu-ngìn-kâ kóng : “Ngì-têu mo̍k kiâng; yîn-vi Ngài tî ngì-têu tshai tshìm ke pûn ngìn tâng sṳ̍p-sṳ-ka ke Yâ-sû.
28:6 Kì mò tshai liá; Kì yí-kîn tseu Kì só kóng ke fa, Kì fu̍k-fa̍t lé. Ngì-têu hó lòi khon ôn-piong Tsú ke só-tshai.
28:7 Ngì-têu kiak-kiak hi lâu Kiâ mùn-thù kóng : ‘Kì yí-kîn tshiùng sí fu̍k-fa̍t; liá-ha Kì voi pí ngì-têu siên ko hi Kâ-li-li; Ngì-têu tshai ke yit-thin voi kien-tó Kì.’ Khon-â! Oi ki-tet Ngài lâu ngì-têu kóng ke fa.”
28:8 Kì-têu tshiu kiak-kiak lì-khôi mu-thi, tshin kiâng yu tshin fôn-hí, tséu-hi lâu Yâ-sû ke mùn-thù kóng.
28:9 Khon-â! Yâ-sû tshìm-tó kì-têu kóng : “Phìn-ôn.” Fu-ngìn-kâ tshiu hàng- tshièn hi, nám-tén Kì-ke kiok, lòi pai Kì.
28:10 Yâ-sû tshiu lâu kì-têu kóng : “Mo̍k kiâng; hi lâu Ngài-ke hiûng-thi kì-têu kóng, hó hi Kâ-li-li, tshai ke-vi tshiu yit-thin kien tó Ngài.