《客語白話字聖經試讀版》

 | | | 轉寄

Má-thai Fuk-yîm thi 27 tsông_07 Yâ-sû ke Sí

作者 Hak-ngî Sṳn-kîn 2013.06.02

27:45 Tông-tsu ke sṳ̀, thiên-vû thi-am, thai-yok yû sâm-tiám-tsûng kiú.
27:46 Thai-yok to hâ-tsu sâm-tiám-tsûng, Yâ-sû tshiu thai-sâng hêm, kóng : “Yî-li, Yî-li, Lâ-mâ sat-pâ-kok-thai-nì?” Yi-sṳ tsit-he kóng : “Ngài-ke Song-tsú, Ngài-ke Song-tsú, Ngì ngióng-pân piong-thet Ngài nò?”
27:47 Khî-tshai sùn-thèu ke ngìn, yû-têu thâng-tó tshiu kóng : “Liá-ke ngìn tshai hêm Yî-li-â.”
27:48 Khì-tsûng yû yit-ke-ngìn ngiàm-sṳ̀ tséu-ko-hi, nâ yit-ke hói-mièn tsim sôn-tsiú, yèn-heu thak tshai thèn-thiàu-táng lòi nâ pûn Kì lîm.
27:49 Khì-thâ ke ngìn kóng : “M̀-sṳ́, khon Yî-li-â yû lòi kiu Kì mò.”
27:50 Yâ-sû yu thai-hêm yit-sâng, tshiu thôn-hi sí-thet.
27:51 Khon-â! Kua tshai Sṳn-thien-tú ke pu-liàm, tui táng-kô to tái-hâ lie̍t-tso lióng-sak; Thai-thi ya tsṳ́n-thung; phàn-sa̍k ya lie̍t-khôi;
27:52 ke-têu fùn-mu ya tsṳ́n-khôi; tshin-tô yí-kîn ko-sṳ̂n ke sṳn-thù, ya tet fán-sâng hí lòi.
27:53 tshṳ̍t-to Yâ-sû fu̍k-fa̍t tsṳ̂-heu, kì-têu tshiu lì-khôi fùn-mu, ngi̍p-hi Sṳn-sàng;pûn tshin-tô ngìn khon-tó kì-têu.
27:54 Ke tsóng Yâ-sû ke kiûn-kôn lâu kì khiung-ha ke pîn-é, khon-tó thi-thûng, lâu só fat-sên ke sṳ, kì-têu tshiu thai-thai tsho̍k-kiâng, kóng : “Liá-ke ngìn sṳ̍t-tshai he Song-tsú ke Lai-é.”
27:55 Tshai ke-vi, yû tshin-tô fu-ngìn-kâ, yén-yén tshai ke khon, kì-têu he tui Kâ-li-li thèn-tén Yâ-sû lòi fu̍k-sṳ Kì-ke.
27:56 Khì-tsûng yû Mat-thai-lâ ke Mâ-li-â, Ngâ-kok lâu Yok-sit ke â-mê Mâ-li-â, lâu Sî-pí-thai lióng-ke lai-é ke â-mê.