《客語白話字聖經試讀版》

 | | | 轉寄

Má-thai Fuk-yîm thi 27 tsông_04 Pûn ngìn Phan Sí-hìn

作者 Hak-ngî Sṳn-kîn 2013.05.12

27:15 Tak-ngièn Yì-ye̍t-tsiet, tsúng-tuk voi tseu kuan-li vi thai-tsung piong yit-ke kì-têu só-oi ke siù-fam.
27:16 Ke-sṳ̀, kì-têu yû yit-ke miàng ôn-tso [Yâ-sû] Pâ-lâ-pâ ke siù-fam.
27:17 Só-yî, tsung-ngìn tshi-si̍p ke sṳ̀-heu, Pí-lâ-tô tui kì-têu kóng : “Ngì-têu oi ngài piong má-ngìn pûn ngì-têu? He [Yâ-sû] Pâ-lâ-pâ ya-he tshṳ̂n-tso Kî-tuk ke Yâ-sû nò?”
27:18 Pí-lâ-tô tî kì-têu lòi tshut-mai Yâ-sû he yîn-vi tshi̍t-tu.
27:19 Tshai khôi-thìn tông-sṳ̀, Pí-lâ-tô ke pû-ngiòng phai ngìn lòi lâu kì kóng : “Ngì m̀-hó kôn-sa̍p ke ngi-ngìn ke sṳ, yîn-vi ngài tshô-am-pû tshai mung-tsûng vi-tsho̍k Kì su tshin-tô khú.”
27:20 Tsung tsi-sṳ̂-tsóng lâu tsóng-ló kâu-sô tsung-ngìn yêu-khiù piong Pâ-lâ-pâ, tshú-sí Yâ-sû.
27:21 Tsúng-he, tsúng-tuk tui tsung-ngìn kóng : “Liá lióng-ngìn tông-tsûng, ngì-têu oi ngài piong má-ngìn pûn ngì-têu? Kì-têu kóng : “Pâ-lâ-pâ.”
27:22 Pí-lâ-tô tshiu tui kì-têu kóng : “Tsúng-he, tshṳ̂n-tso Kî-tuk ke Yâ-sû, ngài oi ngióng-pân lòi tshú-lî Kì nò?” Kì-têu tsung-ngìn kóng : “Tsiông Kì tâng sṳ̍p-sṳ-ka!”
27:23 Pí-lâ-tô mun kóng : “Kì yû tso-mak-ke fái-sṳ nò?” Kì-têu hàn kha thai-sâng hêm kóng : “Tsiông Kì tâng sṳ̍p-sṳ-ka!”
27:24 Pí-lâ-tô khon-tshut liá-ke tshìn-hìn, fán-tsón voi ngiâ-hí phau-thung, ká-sṳ́ kì kâ kóng mak-ke, tshiu nâ suí tshai tsung-ngìn mien-tshièn sé-sú, kóng : “Liù liá-ke ngi-ngìn ke hiet, m̀-he ngài-ke tshui, ngì-têu tshṳ-kâ fu-tsit.”
27:25 Tsung-ngìn en kóng : “Kì-ke hiet-tsai, son tshai ngài-têu lâu ngài-têu ke tsṳ́-sûn sṳ̂n-song.
27:26 Pí-lâ-tô tshiu piong-thet Pâ-lâ-pâ pûn kì-têu, piên-tá Yâ-sû heu, yèn-heu kâu pûn ngìn hi tâng sṳ̍p-sṳ-ka.