《客語白話字聖經試讀版》

 | | | 轉寄

Má-thai Fuk-yîm thi 27 tsông_02 Yù-thai ke Sí

作者 Hak-ngî Sṳn-kîn 2013.04.28

27:3 Ke-sṳ̀ tshut-mai Yâ-sû ke Yù-thai, yit-ha khon-tó Kì su thin-tshui lé, tshiu heu-fí, tsiông sâm-sṳ̍p-tsak ngiùn-tshièn nâ tsón-hi vàn tsi-sṳ̂-tsóng lâu tsóng-ló,
27:4 kóng : “Yîn-vi ngài tshut-mai mò tshui ke ngìn, hoi Kì sí, ngài yû tshui lé.” Tsúng-he kì-têu kóng : “Liá-ke lâu ngài-têu yû mak-ke kuân-he, liá-he ngì tshṳ-kâ ke sṳ-tshìn.”
27:5 Yù-thai tshiu tsiông ke-têu ngiùn-tshièn thiú tshai Sṳn-thien-tú, tshut-hi tiau-kiáng sí.
27:6 Tsi-sṳ̂-tsóng ngiâm-hí ke-têu ngiùn-tshièn, tshiu kóng : “Liá-ke ngiùn-tshièn he hiet-tshièn, m̀-hó lo̍k tshai fung-hien-siông.”
27:7 Kì-têu tshiu tshâm-siòng, tsiông liá-ke ngiùn-tshièn nâ hi mâi sêu-fì sṳ̂-fu ke thi, lòi-tso mài-tsong ngoi-hiông ngìn ke mu-thi.
27:8 Só-yî, tshṳ̍t-to kîm-pû-ngit, thai-kâ hàn ham ke thi tso “Hiet-thièn”.
27:9 Liá-khien sṳ tshiu-he yin-ngiam siên-tî Ya-li-mí só kóng ke fa : “Tsit-he kóng, kì-têu nâ sâm-sṳ̍p-tsak ngiùn-tshièn, tshiu-he Yî-set-lie̍t-ngìn só thùng-yi vi Kì fu-tshut ke ka-tshièn,
27:10 tshiu tsiông liá-ke ngiùn-tshièn nâ hi mâi sêu-fì sṳ̂-fu ke thi; liá-he tseu Tsú só min-lin Ngài-ke.