《客語白話字聖經試讀版》

 | | | 轉寄

Má-thai Fuk-yîm thi 26 tsông_02 Fu-ngìn Yung Hiông-yù Kò Yâ-sû

作者 Hak-ngî Sṳn-kîn 2013.02.17

26:6 Yâ-sû tshai Pak-thai-nì pot mà-fûng ke Sî-mùn vuk-hâ;
26:7 yû yit-ke fu-ngìn-kâ lòi kien Kì, tai-tén yit-tsak ngiu̍k-kon-é, tî-poi tsông tshin kui-tshung ke hiông-yù. Yâ-sû sṳ̍t-fan ke sṳ̀, ke fu-ngìn-kâ tshiu tsiông liá-ke hiông-yù tó tshai Kì-ke thèu-nà-táng.
26:8 Tsúng-he ke-têu mùn-thù khon-tó tshiu kóng: “Ngióng-pân án tá-sóng nò?
26:9 Yîn-vi liá-ke hiông-yù tso-tet mai hó-tô tshièn lòi kiu-tsi khiùng-khú-ngìn â !”
26:10 Tsúng-he Yâ-sû tî mùn-thù kóng liá ke fa ke yi-sṳ, tshiu tui kì-têu kóng: “Tso-mak-ke vì-nàn liá-ke fu-ngìn-kâ nò? Yîn-vi kì hiong Ngài hàng yit-khien tshin tsiâng ke sṳ.
26:11 Yîn-vi ngì-têu yû khiùng-khú-ngìn sông-sông lâu ngì-têu khiung-ha; thu̍k-thu̍k Ngài m̀-he sông-sông lâu ngì-têu khiung-ha.
26:12 Yîn-vi kì tsiông liá-ke hiông-yù tó tshai Ngài-ke sṳ̂n-song, tshiu-he vi-tó tsún-phi Ngài-ke mài-tsong án-ngiòng.
26:13 Ngài sṳ̍t-tshai lâu ngì-têu kóng ,put-lun liá-ke fuk-yîm tshòn-to nai-vi; liá-ke fu-ngìn-kâ só-tso ke sṳ, ya pit-thin oi sṳ́-tó ngìn ki-ngiam kì.