《客語白話字聖經試讀版》

 | | | 轉寄

Má-thai Fuk-yîm thi 25 tsông_02 Sâm-ke Phu̍k-ngìn ke Pí-yi

作者 Hak-ngî Sṳn-kîn 2013.01.27

25:14 “Yîn-vi Thiên-kuet yu khó-pí liá-ke ku-sṳ: Yû yit-ke ngìn oi tshut-hi lî-hàng, hêm kì tshṳ-kâ ke phu̍k-ngìn lòi, tsiông kì só-yû ke sán-ngia̍p kâu pûn kì-têu.
25:15 Kì tseu kì-têu tak-sà ke tshòi-thiau, yit-ke pûn ńg-tshiên ke ngiùn, yit-ke pûn lióng-tshiên, yit-ke pûn yit-tshiên; yèn-heu kì tshiu tshut-fat hi ngoi-thi.
25:16 Ke liâng ńg-tshiên ke ngìn, tsit-sṳ̀ tsiông liá-têu tshièn hi tso sên-lî, tshon-tó ńg-tshiên ke ngiùn.
25:17 Ke liâng lióng-tshiên ke ngìn, ya-he án-ngiòng tso, nang-ngoi tshon-tó lióng-tshiên ke ngiùn.
25:18 Tsúng-he ke liâng yit-tshiên ke ngìn tshiu tshut-hi, tshai thi-nài-hâ lòi yet yit-ke khûng-é, tsiông kì-ke tsú-ngìn ke tshièn mài-hí-lòi.
25:19 “Ko-heu, ke-têu phu̍k-ngìn ke tsú-ngìn tsón lòi, lâu kì-têu son-sṳ.
25:20 Ke liâng ńg-tshiên ke ngìn tshiu ngi̍p lòi, tai-tén nang-ngoi ke ńg-tshiên, kóng: ‘Thèu-kâ â, ngì pûn ngài-ke ńg-tshiên ke ngiùn, ngài yu kâ tshon ńg-tshiên.
25:21 Kì-ke tsú-ngìn tui kì kóng: ‘Tshin-hó â, liòng-san lâu tsûng-sîm ke phu̍k-ngìn â, ngì tshai se-se ke sṳ tông-tsûng,ngì yí-kîn yû tsûng-sîm, ngài oi vî-thok ngì lòi kîn-yìn thai sṳ. Ngì hó ngi̍p-lòi thùng ngì-ke tsú-ngìn khiung-ha hióng-su ke hí-lo̍k pâ.’
25:22 “Ke liâng lióng-tshiên ke ngìn tshiu ngi̍p lòi, tai-tén nang-ngoi ke lióng-tshiên, kóng: ‘Thèu-kâ â, ngì pûn ngài-ke lióng-tshiên ke ngiùn,ngài yu kâ tshon lióng-tshiên.’
25:23 Kì-ke tsú-ngìn tui kì kóng : ‘Tshin-hó â, liòng-san lâu tsûng-sîm ke phu̍k-ngìn â, ngì tshai se-se ke sṳ tông-tsûng,ngì yí-kîn yû tsûng-sîm, ngài oi vî-thok ngì lòi kîn-yìn thai sṳ. Ngì hó ngi̍p-lòi thùng ngì-ke tsú-ngìn khiung-ha hióng-su ke hí-lo̍k pâ.’
25:24“Ke liâng yit-tshiên ke ngìn ya hàng-tshièn-lòi, kóng : ‘ Thèu-kâ â, ngài tî ngì he tshin li-hoi ke ngìn, m̀-tshièn ve-tsúng ke só-tshai, ya-oi sû-sṳ̀n, m̀- tshièn tsung ke só-tshai ya-oi sû-kot.
25:25 Só-yî, ngài tshin kiâng, tshiu tsiông ngì-ke tshièn mài tshai thi-nài-hâ; khon-â ! Ngì-ke tshièn vàn ngì.’
25:26 “Tsúng-he kì-ke tsú-ngìn tshiu en kóng : ‘ Ngì liá fái yu lân-sṳ̂ ke phu̍k-ngìn â, ngì ki-yèn tî ngài m̀-tshièn tsung ke só-tshai oi sû-kot,m̀-tshièn ve-tsúng ke só-tshai ya-oi sû-sṳ̀n;
25:27 ngì tshiu yin-kôi tsiông ngài-ke tshièn tshùn-ngi̍p ngiùn-hòng, tén ngài tsón-lòi ke sṳ̀, hó tsiông ngài-ke tshièn lièn-pún-tai-li khiung-ha liâng-tsón-lòi.
25:28 Ngì-têu tsiông kì-ke tshièn nâ pûn ke yû yit-van ngiùn ke.
25:29 Yîn-vi só-yû yí-kîn yû ke ngìn, tshiu-oi pûn kì, sṳ́ kì hàn-yû hó tshûn ;ke mò ke ngìn, lièn kì só-yû ke yit-sit-sit-è ya-oi lâu kì thó-tsón-lòi.
25:30 Liá-ke mò yung ke phu̍k-ngìn, ngì-têu tsiông kì kiuk-tshut-hi ngoi-poi; pûn kì tshai ke-vi thai-keu,lâu ngâu-ngà tshiet-tshṳ́.