《客語白話字聖經試讀版》

 | | | 轉寄

Má-thai Fuk-yîm thi 24 tsông_06 Oi Kín-siáng

作者 Hak-ngî Sṳn-kîn 2013.01.06

24:36 “Tsúng-he kóng-hí ke oi lòi ke ngit-è lâu sṳ̀-kiên, mò ngìn tî, thiên-táng ke sṳ́-tsá ya m̀-tî, Ngìn-tsṳ́ ya m̀-tî, tsṳ́-yû Â-pâ tî thin-thin.
24:37 Ngìn-tsṳ́ ke tsai-lìm voi tshiong Nò-â ke sṳ̀-thoi án-ngiòng.
24:38 Yîn-vi tshai fùng-suí màng lòi yî-tshièn, kì-têu tseu-sòng sṳ̍t-lîm ka-tshí, tshṳ̍t-to Nò-â ngi̍p fông-tsû ke-ngit,
24:39 kì-têu mak-ke tû m̀ tî, tshṳ̍t-to fùng-suí to lé, tshiu tsiông kì-têu tshiòn-phu tá-tséu; Ngìn-tsṳ́ yu pit-thin tsai-lìm án-ngiòng.
24:40 To ke-sṳ̀, yû lióng-ke ngìn tshai thièn-hong tso-se; yit-ke liù tshai ke-vi, yit-ke voi su tsiap-tséu;
24:41 lióng-ke fu-ngìn-kâ tshai ke-vi âi mo-sa̍k, yit-ke liù tshai ke-vi, yit-ke voi su tsiap-tséu.
24:42 Só-yî, ngì-têu oi kín-siáng, yîn-vi ngì-têu m̀ tî ngì-têu ke Tsú nai-ngit voi lòi-to.
24:43 Ngì-têu voi tî; ká-sṳ́ yit-kâ-tsṳ̂-tsú tî tshe̍t-é am-pû-thèu kí-sṳ̀ voi lòi, kì tshiu yit-thin voi kín-siáng, m̀ pûn tshe̍t-è yet khûng-é ngi̍p-lòi.
24:44 Só-yî, ngì-têu ya yin-kôi oi suì-sṳ̀ tsún-phi hó-se, yîn-vi ngì-têu sióng- m̀-tó ke sṳ̀-heu, Ngìn-tsṳ́ tshiu lòi-to.