《客語白話字聖經試讀版》

 | | | 轉寄

Má-thai Fuk-yîm thi 20 tsông_03, Â-mê ke Tshiáng-khiù

作者 Hak-ngî Sṳn-kîn 2012.05.20

20:20 Sî-pí-thai ke pû-ngiòng lâu kì-ke lióng-ke se-ngìn-è, khiung-ha lòi khiù Yâ-sû, khuí-pai Kì, khiù Kì yit-khien sṳ.
20:21 Yâ-sû lâu kì kóng : “Ngì oi khiù mak-ke?” Kì tshiu tui Yâ-sû kóng : “ Khiù ngì tap-yin, tshai Ngì tso-vòng sṳ̀, pûn ngài liá lióng-ke lai-é, tshai Ngì-ke kuet, yit-ke tshô tshai Ngì-ke yu-phién, yit-ke tshô tshai Ngì ke tsó-phién.
20:22 Tsúng-he Yâ-sû en kóng : “Ngì-têu m̀ tî ngì-têu só-khiù ke he mak-ke. Ngài yit-thin oi lîm ke khú-pî, ngì-têu voi lîm mâ?” Kì-têu tui Kì kóng : “Voi.”
20:23 Yâ-sû tui kì-têu kóng : “Ngì-têu thin-tsho̍k oi lîm Ngài-ke khú-pî; tsúng-he, má-ngìn tshô tshai Ngài ke tsó-yu, m̀-he Ngài tso-tet kiet-thin ke, tsṳ́-yû Ngâ Â-pâ tso-tet kiet-thin; Kì vi má-ngìn tsún-phi, tshiu oi su pûn má-ngìn.”
20:24 Khì-thâ sṳ̍p-ke mùn-thù thâng-tó liá-ke sṳ, tshiu thai-thai fat-khién, put-mân kì lióng hiûng-thi.
20:25 Yâ-sû ham mùn-thù hàng tshièn lòi tshiu kóng : “Ngì-têu tî Ngoi-pâng-ngìn ke kiûn-vòng yû khièn kón kì-têu, kì-têu ke liâng-siu ya yû khièn tsṳ́-fî kì-têu.
20:26 Tsúng-he ngì-têu tông-tsûng m̀-he án-ngiòng; tshai ngì-têu tông-tsûng put-lun má-ngìn sióng-oi tso thai-ngìn-vu̍t, tshiu thin-tsho̍k oi tso ngì-têu ke phu̍k-ngìn;
20:27 tshai ngì-têu tông-tsûng sióng-oi tso thèu ke ngìn, tshiu thin-tsho̍k tso ngì-têu ke phu̍k-ngìn;
20:28 tshiu tshiong Ngìn-tsṳ́ lòi, m̀-he oi su ngìn fu̍k-sṳ, fán-tsón he oi lòi fu̍k-sṳ ngìn, yu oi vi-tsho̍k tsung-ngìn ke sâng-miang, thoi tsung-ngìn lòi hî-sên tshṳ-kâ ke sâng-miang.”