《客語白話字聖經試讀版》

 | | | 轉寄

Má-thai Fuk-yîm thi 18 tsông_02, Oi Hi-tshie̍t Tshui ke Yú-fe̍t

作者 Hak-ngî Sṳn-kîn 2012.03.11

18:6 “Put-lun má-ngìn sṳ́ liá-têu sin Ngài ke sin-thù, tông-tsûng yit-ke ngìn fam-tshui, kì pûn ngìn yung thai sa̍k-thèu thò tshai kì-ke kiáng-kîn, fit-lo̍k tshṳ̂m-hói tsim-sí hàn-kha yàng.
18:7 Liá sṳ-kiên yîn-vi fam-tshui ke sṳ lòi lì-khôi Ngài, sṳ̍t-tshai tsṳ̂n tshám! yîn-vi fam-tshui ke sṳ yit-thin he nàn-miên ke, tsúng-he sṳ́ fam-tshui ke sṳ fat-sên ke ngìn tshiu fái lé!
18:8 “Na-he ngì ke yit-tsak sú, fe̍t yit-tsak kiok, sṳ́ ngì fam-tshui, tshiu tsám hâ-lòi, tiû-thet kì. Ngì séu yit-kî sú fe̍t kiok lòi tet-tó yún-yén ke sâng-miang, kha-yàng yû sú yû kiok sa fit-lo̍k yún-yén put-me̍t ke lie̍t-fó-tsûng.
18:9 Na ngì ke yit-tsak muk-tsû sṳ́ ngì fam-tshui, tshiu yet tshut-lòi, thiú-thet kì. Séu yit-tsak muk-tsû lòi tet-tó yún-yén ke sâng-miang, kha-yàng sûng-muk hó-hó sa fit-lo̍k thi-ngiu̍k ke fó tî-poi.