《客語白話字聖經試讀版》

 | | | 轉寄

Má-thai Fuk-yîm thi 17 tsông_03, Yâ-sû Tsai Yi-ngièn Tshṳ-kâ ke Sí lâu Fu̍k-fa̍t

作者 Hak-ngî Sṳn-kîn 2012.02.26

17:22 Mùn-thù lûng-tsúng tshi-si̍p tshai Kâ-li-li ke sṳ̀-heu.Yâ-sû tui mùn-thù kóng : “Ngìn-tsṳ́ tsiông-oi phi tshut-mai, Kì voi pûn ngìn kâu tshai ngìn ke sú-tsûng;
17:23 ngìn tshiu voi sat Kì,tsúng-he thi-sâm-ngit Kì tshiu tet fu̍k-fa̍t. Mùn-thù thâng-tó tshiu thai-thai yù-sèu.
Na̍p Sṳn-thien-soi ke Mun-thì 17:24 Yâ-sû lâu mùn-thù lòi-to Kâ-pak-nùng ke sṳ̀, yû kí-ke sû sṳn-thien-soi ke ngìn lòi lâu Pí-tet kóng : “Ngì-têu ke sîn-sâng tshièn m̀ sṳ́ na̍p sṳn-thien-soi mâ?”
17:25 Pí-tet en kóng : “ Tông-yèn oi na̍p.” Pí-tet ngi̍p vuk-tú ke sṳ̀, Yâ-sû siên tui kì kóng : “Sî-mùn, ngì ngióng-pân sióng? na̍p kuân-soi ya-he ngìn-thèu-soi pûn ke-têu sṳ-kiên ke kiûn-vòng ke, he pún-kuet ke kûng-mìn ya-he ngoi-kuet-ngìn ?
17:26 Pí-tet kóng : “ He ngoi-kuet-ngìn,” Yâ-sû tshiu lâu kì kóng : “Ki-yèn he án-ngiòng, pún-kuet ke kûng-mìn tshiu m̀ sṳ́ na̍p-soi lè.
17:27 Tsúng-he Ngài-têu mo̍k fam-tó kì-têu, ngì hi fù-piên tiau ǹg-è, tsiông tiau-tó ke thèu-yit-mî ǹg-è tsok-hí; tá-khôi kì-ke tsoi, ngì tshiu yit-thin khon-tó yit-ke ngiùn-tshièn;nâ liá-ke tshièn vi-tsho̍k Ngài lâu ngì lòi na̍p sṳn-thien-soi.