《客語白話字聖經試讀版》

 | | | 轉寄

Má-thai Fuk-yîm thi 16 tsông_02, Fap-li-soi-ngìn lâu Sat-tû-kâi-ngìn ke Fat-kau

作者 Hak-ngî Sṳn-kîn 2012.01.22

16:5 Mùn-thù sṳ́-ko fù tui-mien, m̀ ki-tet tai piáng-è.
16:6 Yâ-sû lâu kì-têu kóng : “ Ngì-têu oi se-ngi, oi thì-fòng Fap-li-soi-ngìn lâu Sat-tû-kâi-ngìn ke fat-kau!”
16:7 Mùn-thù pí-tshṳ́ tshiu-tshai am-tsûng tshâm-siòng kóng : “ Kì kóng liá-ke fa, pha-he yîn-vi ngài-têu mò tai piáng-è lòi.”
16:8 Yâ-sû khon-tshut kì-têu só kóng ke, tshiu kóng : “Ngì-têu ke sin-sîm thet-se lè, tso mak-ke vi-tsho̍k mò tai piáng-è, pí-tshṳ́ tshai-ke tshâm-siòng nò?
16:9 Ngì-têu ngióng-pân to liá-ha hàn màng mìn-pha̍k nè ! Kám-kóng ngì-têu ya m̀ ki-tet yung ńg-tsak piáng pûn ńg-tshiên ngìn sṳ̍t-páu ke sṳ mâ? Ke sṳ̀ ngì-têu ngiâm-hí kí-tô làm ke sui-é?
16:10 Hàn-yû, yung tshit-tsak piáng-è pûn si-tshiên-ngìn sṳ̍t-páu ke-pái, ngì-têu yu ngiâm-hí kí-tô làm ke sui-é?
16:11 Tso mak-ke hàn m̀ tî Ngài só hiong ngì-têu kóng ke m̀-he piáng-è ke sṳ? Thu̍k-he ngì-têu oi thì-fòng Fap-li-soi-ngìn lâu Sat-tû-kâi-ngìn ke fat-kau!”
16:12 Mùn-thù liá-sṳ̀ tsang mìn-pha̍k Yâ-sû m̀ he ham kì-têu thì-fòng piáng-è tî-poi ke fat-kau, he oi kì-têu thì-fòng Fap-li-soi-ngìn lâu Sat-tû-kâi-ngìn ke kau-hiun.