《客語白話字聖經試讀版》

 | | | 轉寄

Mâ-thai Fuk-yîm, Thi 12 tsông_4, Yâ-sû lâu Phe̍t-sî-puk

作者 Hak-ngî Sṳn-kîn 2011.07.31

12:22 Ke-sṳ̀, yû ngìn tai yit-ke pûn kuí fu-sṳ̂n, mô-muk ke á-è lòi Yâ-sû mien-tshièn.Yâ-sû yî-hó kì, sṳ́ á-è yû phan-fap kóng fa ya khon tet-tó.
12:23 Tsung-ngìn tshin tsho̍k-kiâng, tshiu kóng : “ Liá-ke tshièn he Thai-vi ke tsṳ́-sûn mâ ?”
12:24 Fap-li-soi-ngìn thâng-tó tshiu kóng : “Liá-ke ngìn kiuk-kuí, he khau kuí-vòng Phe̍t-sî-puk, na mò, Kì tshiu mò phan-fap!”
12:25 Yâ-sû tî kì-têu ke yi-sṳ, tshiu lâu kì-têu kóng : “Thai-fam kuet-kâ tshṳ-siông fûn-tsên, ke kuet-kâ yit-thin phai-thet; thai-fàm sàng-sṳ ya-he kâ-thìn tshṳ-siông fûn-tsên, yit-thin voi khî-m̀-he̍t.
12:26 Ká-sṳ́ Sat-tan kiuk Sat-tan, tshiu he tshṳ-siông fûn-tsên, kì ke kuet ngióng-pân khî-tet-tshai nò?
12:27 Na Ngài khau Phe̍t-sî-puk lòi kiuk kuí, ngì-têu ke tsṳ́-thi he tsia má-ngìn lòi kiuk-kuí nò? Án-ngiòng ngì-têu ke tsṳ́-thi voi tsṳn-mìn he ngì-têu m̀-tsho̍k !
12:28 Na Ngài he tsia Song-ti ke Sṳn-Lìn lòi kiuk kuí, tsṳn-mìn Song-ti yí-kîn tshai ngi-têu tông-tsûng tsóng-khièn lé.
12:29 ‘‘ Tshù-fî siên tshàn-tén yúng-sṳ, tsang yû fap-thu ngi̍p kì-ke vuk-hâ lòi tshióng kì-ke tshòi-sán.
12:30 ‘‘M̀ thùng Ngài khiung-ha ke, tshiu he fán-tui Ngài ke; m̀ thùng Ngài khiung-ha sû-si̍p ke, tshiu he tá-san ke.
12:31 Só-yî, Ngài lâu ngì-têu kóng, ngìn só fam ke tshui-ok lâu fí-pong ke fa yit-thin oi tet-tó sa-miên; tsúng-he fí-pong Sṳn-Lìn tshiu yit-thin mò khó-nèn tet-to sa-miên.
12:32 Put-lun má-ngìn kóng fa lòi fâm-tó Ngìn-tsṳ́, hàn-yû khó-nèn tet-tó sa-miên; tsúng-he yû ngìn kóng-fa lòi siet-thu̍k Sṳn-Lìn ke, put-lun kîm-sên ya-he lòi-sṳ, mò khó-nèn tet-tó sa-miên.