《客語白話字聖經試讀版》

 | | | 轉寄

Mâ-thai Fuk-yîm, Thi-8-tsông_2, Yâ-sû Yî-hó Lò-mâ Kiûn-kôn ke Phu̍k-ngìn

作者 Hak-ngî Sṳn-kîn 2010.09.05

8:5 Yâ-sû lòi-to Kâ-pak-nùng, yû yit ke Lò-mâ kiûn-kôn tshiu lòi khiù Kì kóng :
8:6 “Tsú â, ngài ke phu̍k-ngìn pot thân-fûng, soi tshai vuk-tú, fî-sòng kân-khú .”
8:7 Yâ-sû lâu kì kóng : “Ngài lòi hi yî-hó kì.”
8:8 Ke kiûn-kôn en kóng: “Tsú- â, Ngì hi ngài vuk-hâ, ngài tông m̀ hí; Ngì tân-tân kóng yit ki fa, ngài ke phu̍k-ngìn tshiu voi hó.
8:9 Yîn-vi tshiu-tshiong ngài táng-kô yû tsṳ́-fî-kôn,hâ-poi ya yû su ngài tsṳ́-fî ke pîn-é. Ngài min-lin liá-ke pîn-é hi, kì tshiu hi; min-lin phie̍t-ke pîn-é lòi , kì tshiu lòi; tui ngài ke phu̍k-ngìn kóng ‘tso liá-ke sṳ,’ kì tshiu tso liá-ke sṳ.”
8:10 Yâ-sû thâng-tó liá-ke fa tshiu fî-sòng hî-khì, tui thèn Kì ke ngìn kóng : “Ngài sṳ̍t-tshai lâu ngì-têu kóng,Ngài tshai Yî-set-lie̍t-ngìn tsṳ̂-tsûng, màng-sṳt khon-tó án-ngiòng yû sin-sîm ke ngìn.
8:11 Ngài lâu ngì-têu kóng ,tsiông-lòi pit-thin yû tshin-tô ngìn tui tûng tu sî lòi, lâu Â-pak-lâ-hón, Yi-sat, Ngâ-kok khiung-ha tshô tshai Thiên-kuet.”
8:12 Thiên-kuet ke tsṳ́-mìn, yit-thin voi pûn ngìn kiuk-tshut to ngoi-poi ke vû-am-tú; tshai ke-vi yit-thin voi keu,ngâu-ngà tshiet-tshṳ́.”
8:13 Yâ-sû tshiu lâu ke kiûn-kôn kóng : “Ngì tsón hi, tseu ngì yû ke sin-sîm, tseu ngì ke sin-sîm sṳ̀n-tshiòn ngì.” Kiâ phu̍k-ngìn ke phiang tsit-sṳ̀ tshiu yî-hó lè.