《客語白話字聖經試讀版》

 | | | 轉寄

Mâ-thai Fuk-yîm, Thi-5-tsông_5, Lun Fat-khién

作者 Hak-ngî Sṳn-kîn 2010.04.18

5: 21 “Ngì-têu sṳt thâng-ko yû tui kú-ngìn kóng :‘M̀ hó tshṳ̀ ngìn; thai-fàm tshṳ̀ ngìn tsá, tshiu oi su fap-li̍t sṳ́m-phan’
5: 22 m̀-ku Ngài lâu ngì-têu kóng, thai-fàm má-ngìn tui kì-ke hiûng-thi fat-khién, kì tshiu oi su sṳ́m-phan; ká-sṳ́ yû ngìn ma kì-ke hiûng-thi ‘Fan-thúng’ke, liá-ke ngìn tshiu oi sông fap-yen; ká-sṳ́ yû ngìn ma hiûng-thi ‘Ngong-é’ ke, kì tshiu miên-put-liáu su thi-ngiu̍k ke fó sêu.
5:23 Tsúng-he ngì ká-sṳ́ tshai tsi-thàn-tshièn hièn ngì-ke lî-vu̍t pûn Song-ti ke sṳ̀-tsiet, tshai ke-vi sióng-hí ngì hiûng-thi lâu ngì yû hiàm-hi,
5: 24 tshiu oi tsiông ngì-ke lî-vu̍t liù tshai tsi-thàn men-tshièn, siên hi lâu ngì-ke hiûng-thi fò-hó, yèn-heu tsang lòi hien ngì-ke li-vu̍t pûn Song-ti.
5: 25 “Na-he yû ngìn oi ko ngì, tshiu oi pá-ak sṳ̀-kiên lâu kì fò-hó; na-he-mò ,ngi̍p-hi fap-yen yî-heu,kì tshiu voi tsiông ngì kâu pûn fap-kôn, fap-kôn kâu pûn fap-kín, kuân ngì ngi̍p kâm-ngiu̍k.
5: 26 Ngài sṳt-tshai lâu ngì kóng, ngì ke fa̍t-kîm màng na̍p-tshîn, m̀-sṳ́ sióng-oi tshut ke thi-fông.