《客語漢羅聖經試讀版》

 | | | 轉寄

約翰福音 第八章_5 耶穌lâu亞伯拉罕

作者 客語聖經 2008.12.28

8:48 猶太人ke領袖問耶穌：「我têu講祢係撒馬利亞人，又被鬼附身，敢講m̀-tsho̍k 嗎？」
8:49 耶穌應講：「我無被鬼附身；我尊敬ke阿爸，你têu卻侮辱我。
8:50 總係我無求自家ke榮光；有一位代我尋求，為我主持公道ke.
8:51 我實在lâu你têu講，遵守Ngâ道，就永久m̀會死。」
8:52 猶太人ke領袖對祂講：「這下我têu知祢係被鬼附身。亞伯拉罕已經死，眾先知也死掉；總係祢講：『遵守Ngâ教訓 ke人，就永久m̀會死。』
8:53 祢tshièn有比我têu ke祖先亞伯拉罕偉大嗎？他已經死，眾先知也死掉，祢看自家算mak-ke喏？」
8:54 耶穌應講：「若我榮光自家，我ke榮光就無價值lé; 係我ke阿爸榮光我，就係你têu所講ke,你têu ke上主。
8:55 你têu也m̀識祂；總係我識祂；假使我講，我m̀識祂，我就lâu你têu共樣，係講fâ-liâu ke; 事實上我識祂，也遵守祂ke道。
8:56 你têu ke祖先亞伯拉罕識歡喜仰望oi看到我來ke日期；他有看到就非常快樂。」
8:57 ku-só猶太人ke領袖對祂講：「祢還màng有五十歲，祢tshièn有看過亞伯拉罕嗎？」
8:58 耶穌對他têu講：「我實在 lâu你têu講，亞伯拉罕還màng出世以前，我就在lé.」
8:59 所以他têu就拿石頭te̍p祂；耶穌就閃走，自家離開聖殿。