《客語漢羅聖經試讀版》

 | | | 轉寄

約翰福音 第八章_4 自由人lâu奴僕

作者 客語聖經 2008.12.21

8:31 耶穌對ke-têu信祂ke猶太人講：「你têu若常常遵守我ke道，你têu就正經係我ke門徒；
8:32 你têu會識真理，真理也會使你têu 得自由。」
8:33 他têu就應祂講：「我têu係亞伯拉罕ke子孫，從來m̀識做人ke奴僕，祢ngióng會講：『使你têu得自由喏？』」
8:34 耶穌應他têu講：「我實在 lâu你têu講，所有犯罪 ke人就係罪ke奴僕。
8:35 奴僕在家庭中無一定像lái-é永久屬於家庭。
8:36 假使係上主ke Lai-é使你têu 得自由，你têu就係自由ke人。
8:37 我知你têu係亞伯拉罕ke子孫，總係你têu還想oi tshṳ̀我，因為我ke道你têu m̀接受。
8:38 我所講ke係Ngâ爸指示我ke,你têu所做ke係你têu ke祖先lâu你têu講ke.」
8:39 他têu就應祂講：「我têu ke祖先係亞伯拉罕。」耶穌對他têu講：「假使你têu係亞伯拉罕ke子孫，行事就必定lâu亞伯拉罕共樣。
8:40 我向你têu講ke真理，係我從上主該位聽到ke, 你têu 這下想oi tshṳ̀ 我，這個 m̀係亞伯拉罕所做ke事啊。
8:41 你têu係做你têu ke阿爸所做ke事。」他têu就對祂講：「我têu m̀係私生子，我têu惟一ke阿爸，就係上主。」
8:42 耶穌對他têu講：「若上主係你têu ke阿爸， 你têu就一定會愛我；因為我係從上主該位來ke; 我m̀係自家來ke,係祂差遣我來ke。
8:43 你têu ngióng m̀會明白我ke話？因為你têu聽我ke道m̀入耳。
8:44 你têu係魔鬼ke子女，偏偏oi照你têu ke私慾行事。他自古早就係謀害人ke, 也無khî在真理這片, 因為他根本無真理。他就係fâ-liâu-kú, 也係一切虛假ke源頭。
8:45 總係因為我講真理，你têu就m̀信我。
8:46 你têu中má人能指證我有罪喏？若我講ke係真理，你têu做mak-ke m̀信我喏？
8:47 所有屬上主ke 子女，就聽上主ke話，你têu係因為這個緣故無聽，你têu m̀係屬上主。」