《編輯案頭》

 | | | 轉寄

轉載：📚✨【客家師生聯合新書發表暨座談會｜苗栗場】✨📚

作者 2026.08.30

　　九月十九號(拜六)朝晨九點to十二點oi ti苗栗市公所三樓藝文中心舉辦「客家師生聯合新書發表暨座談會｜苗栗場」。Liá he八月十五號新竹寶山鄉公所lâu新竹縣全球客家文化交流協會共同主辦「客家師生聯合新書發表lâu座談會新竹場」ke新加場次。

　　前臺師大全球客家文化研究中心主任、前臺灣客家研究學會理事長邱榮裕教授，會中發表新作《客家研究論文集：臺灣客家歷史、文化lâu信仰ke探索》，透過多元面向梳理臺灣客家ke歷史脈絡、文化特色lâu信仰發展，書中集結多年研究成果，yû重要ke學術lâu文化保存價值。新竹縣全球客家文化交流協會理事長、中央大學客家研究所碩士何雅芬，會中發表《陸豐客家族群在臺灣地區拓墾與發展研究》，書中以田野調查及文獻研究為基礎，深入探討陸豐客家族群渡臺後ke開山打林過程、夥房形成、宗族發展lâu文化傳承，tui歷史lâu地方社會ke角度，呈現陸豐客家在臺灣發展ke歷史軌跡，me vi臺灣客家史研究提供重要研究成果。

　　Liá活動匯聚客家學術、文化、教育lâu地方各界人士，透過新書發表、客家歌謠演唱、文化體驗lâu座談交流，共下探索臺灣客家歷史、文化、信仰lâu族群發展，展現客家文化薪火相傳ke深厚底蘊。

　　主辦單位表示，客家文化ke傳承m̀單淨oi靠文化保存，還較oi透過研究、教育、出版lâu地方實踐，pûn客家歷史pûn還啊多人看著，師生聯合新書發表lâu座談會，就he串聯學術研究、地方文化同民間交流重要平台，希望藉由新書出版lâu面對面交流，pûn客家研究行入社會、行入地方，me鼓勵還啊多後生世代從歷史中認識自家ke文化根源。