Ke-ngièn thèn Â-mê lòi-to Liùng-fung-kiûng 該年 跈阿姆來到龍鳳宮 se-se ke ngài 細細ke ngài khon-tó án-kô ke Mâ-tsú-phò kîm-sṳ̂n 看到恁高ke媽祖婆金身 tui-tén ngài-tèn seu 對等ngài等笑 tshiên-lî-ngién lâu Sun-fûng-ngí 千里眼lâu順風耳 tsông-ngiàm vî-fûng khî tshai vuk-táng 莊嚴威風企在屋頂 Tshṳ-tshiùng m̀-sṳt khon-ko án-thai ke sṳ̀n-mìn 自從m̀識看過恁大ke神明 Â-mê kóng yá-vi ke Mâ-tsú-phò 阿姆講這位ke媽祖婆 he tshiòn-sṳ-kie tsui-thai ke sṳ̀n-siong he全世界最大ke神像 Pak-ko-ngièn ke meu kón ńg-sṳ̍p-sâm tsông 百過年ke廟 管五十三庄 sṳ̍p-ngi lèu ke kîm-sṳ̂n thùng thiên phiàng-kô 十二樓ke金身 同天平高 Lòi-to yá mu̍k-tsû m̀-phan-tet ngia̍p-yit-ha 來到這 目珠m̀盼得ngia̍p一下 Â-mê khièn-sṳ̀n khì-khiù Mâ-tsú-phò pí-yu 阿姆虔誠祈求媽祖婆庇佑 Ngài mén án-thai ke sṳ̀n-mìn yit-thin tông-khiang Ngài愐 恁大ke神明一定當慶 Â-mê tsúng-he tai-tén mân-tsuk ke seu-ngiòng tsón-vuk 阿姆總he帶等滿足ke笑容轉屋 Án-tô ngièn lòi ngài tsúng-he sîm-sîm-ngiam-ngiam 恁多年來 ngài總he心心念念 tshô tshai vuk-táng-kô ke Mâ-tsú-phò 坐在屋頂高ke媽祖婆 mò-lun ngài tséu kí-yén 無論ngài走幾遠 kì tshiu khon-è-tò lòi pó-pí ngài 佢就看得到來保庇ngài 2007/5/27
|
|
|
轉寄
