《善雄牧園》

 | | | 轉寄

愛心ke實踐(修訂版)

作者 邱善雄 2013.02.17

愛心係溫暖ên ke世界，人類做m̀得缺少ke珍寶；就像子女需要爺ôi ke 愛心，公婆間需要彼此ke愛心，朋友之間友愛ke心；有了愛心做得化解盡多m̀合、鬥爭；蘇俄文學家托爾斯泰講：「有愛ke地方就有上帝。」因為上帝就係愛。

M̀-ku, 愛心無愛只有停留在口頭上ke理論，口頭講講無mak-ke幫助，也係虛偽ke 愛心，係死ke 愛心，將信心改為愛心，行為改為實踐，係盡好ke寫照。

上帝ke 愛心實實在在存在祂所創造ke宇宙中，遍滿在世界各ke角落，m̀-ku其中最偉大ke 愛心實踐sa係在約翰3-16， liá件事情hong, 就係祂將獨生子耶穌基督賞賜世間，凡信靠祂ke人m̀會滅亡，反得永生。上帝ke 愛何等偉大，祂養育你，保護你，還將祂ke獨生子賞賜你，拯救你，你ngióng做得平白領受上帝ke 愛，無在你ke生活上來表示愛心ke實踐。請你把扼機會，捉thet每一ke你做得實踐愛心ke機會，將你ke 愛心具體實踐在你ke家庭、鄰舍、社會lâu教會。保羅在羅馬12-1講：「故所，兄弟阿！既然上帝án-ngiòng憐憫ên-teû,我勸你teû lâu自家做活ke祭物獻pûn上帝，專心侍奉祂，得到祂ke恰意。」

願上帝接納你誠心誠意祈禱奉獻愛心ke禮物。