《戀戀台灣客家文學》

 | | | 轉寄

八月半

作者 Suingi 2022.09.11

　　疫情吂煞棚，共樣oi戴等嘴揞仔過日仔。M̀ ko，疫情me 阻擋不了八月半一家想團圓ke心。月光華華照四方，炙肉香味傳千里。早早，八月半ke前一暗晡，炙肉ke香氣、一家人兩家人團圓ke笑聲就he月光下盡靚ke光景。嘴揞仔剝下來，一口肉一口菜，一口思念一口感情，總算看著大家ke面。

　　看等頭份自來水主幹水管仔歸隻裂忒ke新聞，憨憨恅著lâu竹南mò相干，mò想著竹南因為恁呢，八月半停水mò好用。停水ke八月半，總就食月餅過日仔，好在阿爸早就煲好一大鑊人參雞湯，人參雞湯傍月餅，me算來當豐沛(phông phai)。

　　Mò水好用，實在艱苦，好得屋外自來水還yû水好用。八月半ke月光下，鄰舍共樣炙肉笑連連，一家人歡喜過節，睬kì疫情ya停水，快樂盡重要！