《客語白話字聖經試讀版》

 | | | 轉寄

Yok-hon Fuk-yîm, Thi-12-tsông_4 Hî-lia̍p-ngìn Oi Kien Yâ-sû

作者 Hak-ngî Sṳn-kîn 2009.04.19

約 12:20 Tshai tsiet-khì-tsûng, lòi-to Yâ-lu-sat-lâng tso lî-pai ke ngìn, khì-tsûng yû kí-ke Hî-lia̍p-ngìn.
約 12:21 Tsúng-he liá kí-sâ lòi kien Kâ-li-li ke Pak-soi-thai-ngìn Fî-li̍t, tshiu khiù kì kóng: “Sîn-sâng, ngài-têu sióng-oi kien Yâ-sû.
約 12:22 Fî-li̍t tshiu-lòi lâu Ôn-tet-lie̍t kóng; Ôn-tet-lie̍t lâu Fî-li̍t tshiu khiung-ha hi lâu Yâ-sû kóng.
約 12:23 Yâ-sû en kì-têu kóng : “Sṳ́ Ngìn-Tsṳ́ tet yùng-kông ke sṳ̀-heu to lé.
約 12:24 Ngài sṳ̍t-tshai lâu ngì-têu kóng, yit-lia̍p ma̍k-é, ká-sṳ́ m̀-he lo̍k tshai nài-tú lòi sí, tshiu hàn-he yit-lia̍p; ká-sṳ́ sí-thet tshiu kiet-tsṳ́ tô-tô.
約 12:25 Ngìn siak kì-ke sâng-miang, tshiu pit song-sṳt sâng-miang; yu ngìn he hén hî-sên kì-ke sâng-miang tshai liá sṳ-kie, kì tshiu pit pó-tshùn to yún-sên.
約 12:26 Na yû ngìn fu̍k-sṳ Ngài, kì tshiu-oi thèn Ngài; Ngài só tshai nai-vi, fu̍k-sṳ Ngài-ke ya pit khiung-ha tshai nai-vi; ká-sṳ́ yû ngìn fu̍k-sṳ Ngài, Â-pâ tshiu yit-thin tshung-yung kì.