《客語白話字聖經試讀版》

 | | | 轉寄

Mâ-khó Fuk-yîm thi 7 tsông_01 Tsú-siên ke Tshòn-thúng

作者 Hak-ngî Sṳn-kîn 2014.03.30

7:1 Fap-li-soi-ngìn lâu kí-ke tui Yâ-lu-sat-lâng lòi ke Kîn-ho̍k kau-sṳ̂ lòi kien Yâ-sû.

7:2 Ngióng-pân Ngì ke mùn-thù-tsûng yû ngìn yung mò tshiang-li ke sú sṳ̍t-fan nò? Kì-têu sṳ̍t-fan tshièn mò tshiong Fap-li-soi-ngìn án-ngiòng siên sé-sú.

7:3 Yîn-vi Fap-li-soi-ngìn lâu yit-pân ke Yù-thai-ngìn tshiòn-phu sú tsú-siên ke tshòn-thúng, ká-sṳ́ mò tseu kuî-thin ke fông-fap siên sé-sú tshiu m̀ sṳ̍t-fan;

7:4 na-he tui kiê-lu mâi-lòi ke tûng-sî màng sé-ko ya m̀-sṳ̍t; kì-têu hàn tsûn-sú tshin tô khì-thâ tshòn-thúng ke kuî-thin, tshiong oi ngióng-pân sé pî-é, vo̍k-é, thùng-hi lâu mìn-tshòng tén-tén.

7:5 Fap-li-soi-ngìn lâu Kîn-ho̍k kau-sṳ̂ tshiu mun Yâ-sû kóng : “Ngì-ke mùn-thù mò tseu tshòn-thúng ke kuî-thin lòi hàng, fán-tsón yung mò tshiang-li ke sú sṳ̍t-fan nò?”

7:6 Yâ-sû lâu kì-têu kóng: “Yî-soi-â só yi-ngièn ke mò m̀-tsho̍k, tsí ngì-têu ká-mo vì-san ke ngìn-á, sṳ̍t-tshai he tseu Sṳn-kîn só kì-tsái: Liá-têu yung tsoi tsûn-kin Ngài, m̀-ku kì-têu ke sîm yén-lì Ngài.

7:7 Kì-têu kin-pai Ngài ya-he khûng, yîn-vi kì-têu he yung ngìn ke min-lin tsún-tso Ngài ke kau-hiun lòi kâu ngìn.”

7:8 Yâ-sû kóng: “Ngì-têu án-ngiòng he vì-fán Song-tsu2ke min-lin, tsit-he tsún-sú tsú-siên ke tshòn-thúng.”

7:9 Yâ-sû yu lâu kì-têu kóng : “Ngì-têu sṳ̍t-tshai he piong-thet Song-tsú ke min-lin,fán-tsón lòi pó-sú tshṳ́-kâ ke tshòn-thúng.

7:10 Yîn-vi Mô-sî yû kóng : ‘Oi hau-kin ngì-ke yà-ôi ; yu kóng : ‘ Tsu-ma yà-ôi ke, oi phan kì sí-hìn.’

7:11 M̀-ku ngì-têu tshiu kóng : ‘Na ngìn tsiông fung-yông ngì-têu yà-ôi ke tûng-sî tsún-tso Khó-pán’(yi-sṳ he hien pûn Song-tsú ke tûng-sî),

7:12 yî-heu kì tshiu m̀ sṳ́ fung-yông yà-ôi.

7:13 Ngì-têu án-ngiòng tso, tshiu-he yung ngì-têu só tsûn-sú ke tshòn-thúng lòi fi-thet Song-tsú ke fa. Ngì-têu hàn tso tsin tô tshiong liá-tsúng ke sṳ” Sṳ́ Ngìn Mò Tshiang-li ke Tûng-sî

7:14 Yâ-sû yu hêm tsung-ngìn hàng tshièn lòi, tshiu lâu kì-têu kóng : “Ngì-têu tsung-ngìn oi thâng Ngài ke fa, ya oi mìn-pha̍k.

7:15 Tui ngoi-poi ngi̍p-to ngìn tî-poi ke, m̀ voi sṳ́ ngìn mò tshiang-li; tsṳ́-yû tshiùng ngìn sṳ̂n-thí tî-poi tshut-lòi ke, liá-têu tsang voi sṳ́ ngìn mò tshiang-li.”

7:16 Yû ngí-kûng hó thâng ke ngìn tshiu oi thâng.

7:17 Yâ-sû lì-khôi tsung-ngìn ngi̍p-hi vuk-tú, Kì-ke mùn-thù mùn Kì liá-ke pí-yi he mak-ke yi-sṳ.

7:18 Yâ-sû tshiu lâu kì-têu kóng : “Ngì-têu hàn m̀ liáu-kié liá-ke yi-sṳ mâ? Ngì-têu tshièn m̀ tî, thai-fàm tshiùng ngoi-poi ngi̍p-hi ngìn sṳ̂n-thí ke, m̀ voi sṳ́ ngìn mò tshiang-li;

7:19 yîn-vi tui ngoi-poi ngi̍p-hi ke, m̀-he ngi̍p kì-ke sîm-tsûng, he to kì ke tshòng-tú tî-poi, yèn-heu tshiu ô-tshut-lòi.”( Yâ-sû kóng liá-têu fa tshiu-he kóng, thai-fàm sṳ̍t-vu̍t tshiòn-phu he tshiang-li ke yi-sṳ.)

7:20 Kì yu kóng : “Sṳ́ ngìn mò tshiang-li ke he tui ngìn tî-poi tshut-lòi ke.

7:21 Yîn-vi tshiùng sîm-tsûng tshut-lòi ke yû tsúng-tsúng ke ok-ngiam; liá-têu ok-ngiam voi sṳ́ kì fam thûng-kiên, thêu-nâ, hiûng-sat, kiên-yìm,

7:22 thâm-sîm, sià-ok, kuí-tsa, fong-thong, tshi̍t-tu, fí-pong, kêu-ngau, tiên-khòng tén tshui-ok.

7:23 thai-fàm liá-têu sià-ok ke sṳ, tshiòn-phu he tshiùng sîm-tsûng tshut-lòi ke, ya tsṳn-kîn voi sṳ́ ngìn mò tshiang-li ke.”