《客語白話字聖經試讀版》

 | | | 轉寄

Mâ-khó Fuk-yîm thi 1 tsông_07 Yâ-sû Yî-hó Mà-fùng Phiang-ngìn

作者 Hak-ngî Sṳn-kîn 2013.10.13

1:40 Yû yit-ke mà-fùng phiang-ngìn lòi khiù Kì, khuí-lo̍k-hi tui Kì kóng : “Ngì he hén, tshiu sṳ́ ngài tshiang-li.”

1:41 Yâ-sû fat-tshut lìn-mén, tshûn-sú miâ kì, tui kì kóng : “Ngài hén, ngì tshiang-li lé.”

1:42 Kì sṳ̂n-song ke mà-fùng-phiang tsit-sṳ̀ lì-khôi ke ngìn, kì tshiu tshiang-li.

1:43 Yâ-sû kim-tsṳ́ kì lâu phe̍t-ngìn kóng, tshiu tsit-sṳ̀ ham kì lì-khôi.

1:44 Yu tui kì kóng : “Ngì oi se-ngi, m̀-hó tui ngìn kóng mak-ke; tsúng-he tsón-hi, pûn tsṳ-sṳ̂ kiám-tshà, tshiu oi tseu Mô-sî só thin ke kuî-kí hien tsi-vu̍t, tui tsung-ngìn tsṳn-mìn ngì yí-kîn tshiang-li lé.”

1:45 Tsúng-he ke ngìn tshut-hi yî-heu, tshiu si-tshu siên-tshòn liá-ke sṳ, sṳ́-tó Yâ-sû mò fap-thu kûng-khôi ngi̍p-sàng, tshiu het tshai ngoi-poi, tshai khóng-yâ ke thi-fông; tsung-ngìn tshiùng si-fông lòi tshìm Kì.