《客語白話字聖經試讀版》

 | | | 轉寄

Mâ-khó Fuk-yîm thi 1 tsông_04 Yit-ke Sià-lìn Fu-sṳ̂n ke Ngìn

作者 Hak-ngî Sṳn-kîn 2013.09.22

1:21 Kì-têu ngi̍p Kâ-pak-nùng; Yâ-sû tsit-sṳ̀ tshai Ôn-sit-ngit ngi̍p fi-thòng lòi kâu ngìn.

1:22 Tsung-ngìn tui Kì-ke kau-hiun kám-kok khì-kuai; yîn-vi Yâ-sû ke kau-hiun, he tshiong yû khièn-piang yit-yong, lâu yit-pân ke Kîn-ho̍k kau-sṳ̂ mò khiung-yong.

1:23 Tshai kì-têu ke fi-thòng, yû yit-ke ngìn pûn kuí fu-sṳ̂n, hêm kóng:

1:24 “Nâ-sat-le̍t ke Yâ-sû, ngài-têu thùng Ngì yû mak-ke kôn-he? Ngì he lòi sêu-me̍t ngài-têu mâ? Ngài tî Ngì he má-ngìn, he Song-tsú ke Sṳn-Tsá.”

1:25 Yâ-sû tshiu tsit-phi ke-tsak sià-lìn kóng : “Ngì tiâm-tiâm, lì-khôi kì, kón-kín tui liá ngìn sṳ̂n-song tshut-lòi.”

1:26 Ke-tsak sià-lìn, sṳ́ ke-ngìn ki̍t-ki̍t-tsûn, yèn-heu thai-keu yit sâng, tshiu lì-khôi kì, tui kì sṳ̂n-song tshut-lòi.

1:27 Tsung-ngìn tshiu tsho̍k-kiâng, pí-tshṳ́ mun kóng : “Liá-he mak-ke sṳ-tshìn? He sîn ke kau-hiun! Kì yung min-lin tsṳ́-fî sià-lìn, sià-lìn tshiu fu̍k-tshiùng Kì.”

1:28 Yâ-sû ke miàng-sâng tsit-sṳ̀ tshòn-phien Kâ-li-li ke só-tshai.