《客語白話字聖經試讀版》

 | | | 轉寄

Mâ-khó Fuk-yîm thi 1 tsông_01 Sṳ̂-sé Yok-hon ke Tshòn-tho

作者 Hak-ngî Sṳn-kîn 2013.08.25

1:1 Song-tsú ke Lai-é, Yâ-sû Kî-tuk ke fuk-yîm he án-ngiòng khôi-sṳ́ ke.

1:2 Tseu siên-tî Yî-soi-â tshai Kì ke sû tî-poi só ki-tsai; “Khon-â ! Ngài tshâi-phai Ngài-ke sṳ́-tsá tso ngì ke siên-fûng,Kì oi vi ngì khôi-lu.”

1:3 Yû ngìn tshai khóng-yâ thai-sâng hêm kóng : “Oi tsún-phi Tsú ke lu, siû-tshṳ̍t Kì só oi hàng ke se-lu !”

1:4 Yok-hon tshai khóng-yâ vi ngìn hàng sé-lî, Kì siên-pu kóng: “Ngì-têu oi hi-tshie̍t tshui-ok, tsiap-su sé-lî, Song-tsú tshiu voi sa-miên ngì-têu ke tshui.”

1:5 Yù-thai tshiòn-thi lâu Yâ-lu-sat-lâng ke tsung-ngìn, tshiòn-phu lòi tshìn-tshiu kì; kì-têu sṳ̀n-ngin tshṳ-kâ ke tshui, Yok-hon tshai Yok-tan-hò lòi vi kì-têu hàng sé-lî.

1:6 Yok-hon tsok-tén lo̍k-thò-mô tso ke sâm, yung yêu-khiên tshàn-tén phì-tai; sṳ̍t tshó-máng lâu yâ-phûng-thòng ko ngit-è.

1:7 Kì siên-pu kóng : “Yû yit-ke tshai ngài heu-poi lòi ke ngìn, pí ngài kien yû khièn-piang, ngài tshiu-he kû-hâ-hi lâu Kì thot-hài ya mò tsṳ̂-kiet.

1:8 Ngài he yung suí vi ngì-têu hàng sé-lî, tsúng-he Kì oi yung Sṳn-Lìn vi ngì-têu hàng sé-lî.”