《客語白話字聖經試讀版》

 | | | 轉寄

Má-thai Fuk-yîm thi 27 tsông_06 Yâ-sû Pûn ngìn Tâng Sṳ̍p-sṳ-ka

作者 Hak-ngî Sṳn-kîn 2013.05.26

27:32 Kì-têu tshut-lòi ke sṳ̀, tshiu tshìm-tó yit-ke Kú-li-nai-ngìn, miàng ôn-to Sî-mùn, tshiu khiòng-pet liá-sà hi pà Yâ-sû ke sṳ̍p-sṳ-ka.
27:33 Kì-têu to yit-ke thi-fông, hêm-tso Kok-kok-thâ, yi-sṳ tsit-he “Thèu-nà-hok ke sân-thèu.”
27:34 Kì-têu nâ tshâm fú-tám ke tsiú pûn Yâ-sû lîm; Kì tâm yit-ha, tshiu m̀-ngien tsai lîm.
27:35 Kì-têu tshiu tsiông Yâ-sû tâng tshai sṳ̍p-sṳ-ka-táng, yu tshû-tshiâm-é lòi pûn Kì-ke sâm,
27:36 tshiu tshô tshai ke lòi tsóng-tén Kì.
27:37 Kì-têu tshai Kì-ke thèu- nâ-táng piong yit-tsak phài-è siá-tén Kì-ke tshui-miàng: “Liá-ke he Yù-thai-ngìn ke vòng Yâ-sû.”
27:38 Yu tsiông lióng-ke tshe̍t-é lâu Kì khiung-ha tâng tshai sṳ̍p-sṳ-ka, yit-ke tshai tsó-phién, yit-ke tshai yu-phién.
27:39 Kîn-ko ke ngìn tshiu vú-yu̍k Kì, yèu- thèu,
27:40 kóng : “Ngì voi fi-thet Sṳn-thien, sâm-ngit-nui yu tsiông kì tshùng kien hí-lòi; liá-ha Ngì hó kiu Ngì tshṳ-kâ, ká-sṳ́ Ngì he Song-tsú ke Lai-é, tshiu hó tshiùng sṳ̍p-sṳ-ka-táng hâ lòi.”
27:41 Tsung tsi-sṳ̂-tsóng, Kîn-ho̍k kau-sṳ̂ lâu tsóng-ló, ya-he án-ngiòng seu Kì, kóng :
27:42 “Kì kiu phe̍t-ngìn; m̀-voi kiu tshṳ-kâ, Kì he Yî-set-lie̍t ke vòng; liá-ha ká-sṳ́ Kì tshiùng sṳ̍p-sṳ-ka-táng hâ lòi, ngài-têu tshiu sin Kì.
27:43 Kì sin-khau Song-tsú; ká-sṳ́ Song-tsú oi Kì, liá-ha tshiu hó lòi kiu Kì;yîn-vi Kì yû kóng : ‘Ngài he Song-tsú ke Lai-é.’”
27:44 Lâu Kì khiung-ha tâng sṳ̍p-sṳ-ka ke tshe̍t-é ya-he kóng án-ngiòng ke fa lòi yu̍k-ma Kì.