《客語白話字聖經試讀版》

 | | | 轉寄

Má-thai Fuk-yîm thi 26 tsông_04

作者 Hak-ngî Sṳn-kîn 2013.03.03

26:17 Tshai Vù-kau-tsiet ke thèu-ngit, mùn-thù lòi tshîn-tshiu Yâ-sû, kóng :
26:18 Yâ-sû tshiu kóng : “Ngì-têu ngi̍p-sàng hi kien mêu-ngìn, lâu kì kóng : ‘Sîn- sâng kóng : Ngài-ke sṳ̀-heu khiûn lé; Ngài oi lâu Ngài-ke mùn-thù tshai ngiâ vuk-hâ sú Yì-ye̍t-tsiet.’”
26:19 Mùn-thù tseu Yâ-sû só fûn-fu kì-têu ke lòi hàng; tshiu-hi tsún-phi Yì-ye̍t-tsiet ke vân-tshôn.
26:20 Lìm-am-é, Yâ-sû lâu sṳ̍p-ngi-ke mùn-thù vì-tén tsok-è tshô-tén;
26:21 kì-têu tshai sṳ̍t-fan ke sṳ̀, Yâ-sû kóng : “Ngài sṳ̍t-tshai lâu ngì-têu kóng, ngì-têu tông-tsûng yû yit-ke-ngìn oi tshut-mai Ngài.”
26:22 Mùn-thù tshiu tshin yù-sèu, yit-ke yit-ke tui Yâ-sû kóng : “Tsú â ! Tshièn he ngài mâ?”
26:23 Yâ-sû tshiu en kóng : “Lâu Ngài khiung-ha yung khiung-tsak phàn-è vun-piáng ke, liá-sà tshiu-he oi tshut-mai Ngài-ke.
26:24 Tseu Sṳn-kîn só ki-tsai ke sṳ, Ngìn-tsṳ́ pit-voi su-hoi; tsúng-he tshut-mai Ngìn-tsṳ́ ke ngìn yû tsâi-fo â! Liá-sà mo̍k tshut-se hàn kha hó.”
26:25 Tshut mai Kì-ke Yù-thai tshiu kóng : “Sîn- sâng, tshièn he ngài mâ?” Yâ-sû en: “Ngì yí-kîn kóng lé.”