《客語白話字聖經試讀版》

 | | | 轉寄

Má-thai Fuk-yîm thi 25 tsông_01Sṳ̍p-ke Se-â-moi-é ke Pí-yi

作者 Hak-ngî Sṳn-kîn 2013.01.20

25:1 Ke-sṳ̀, Thiên-kuet khó-pí liá-ke ku-sṳ: Yû sṳ̍p-ke se-â-moi-é khuan-tén yù-tên tshut-hi ngiàng-tsiap sîn-lòng.
25:2 Khì-tsûng ńg-ke se-â-moi-é kha ngong, ńg-ke kha tshûng-mìn.
25:3 Yîn-vi ke-têu kha ngong ke se-â-moi-é khuan-tén yù-tên, mò nang-ngoi tai-yù;
25:4 tshûng-mìn ke se-â-moi-é khuan-tén yù-tên,yû nang-ngoi tai kí-kon yù.
25:5 Sîn-lòng thìn-thò ke sṳ̀, kì-têu se-â-moi-é tshiòn-phu tuk-muk-soi to soi-thet-hi.
25:6 “To pan-ya, yû ngìn hêm kóng : ‘Khon-â! Sîn-lòng lòi lé! Ngì-têu tshut-lòi ngiàng-tsiap kì.’
25:7 Ke sṳ̍p-ke se-â-moi-é tshiòn-phu hong-hí-lòi, tsiông yù-tên thiâu kha kông têu.
25:8 Ke-têu kha ngong ke se-â-moi-é tui tshûng-mìn ke kóng : ‘Ngì- têu pûn yit-sit yù pûn ngài-têu; yîn-vi ngài-têu ke yù-tên voi vû-thet lé!’
25:9 Ke- têu kha tshûng-mìn ke se-â-moi-é en kóng : ‘Ngài-têu ke yù pûn pûn ngì-têu yung, kiâng-pha thai-kâ voi m̀-la; ngì-têu tshṳ-kâ hi tiam-hong mâi.’
25:10 Kì-têu kha ngong ke se-â-moi-é tsang hi tiam-hong mâi yù ke sṳ̀-heu, sîn-lòng tshiu-to lé. Ke-têu yû tsún-phi ke se-â-moi-é, tshiu thèn-tén sîn-lòng ngi̍p-hi, khiung-ha tshâm-kâ yèn-si̍t; mùn tshiu kuân-hí lòi.
25:11 “Yèn-heu, khì-thâ ke se-â-moi-é mò kí-kiú ya lòi-to, ham kóng : ‘Sîn-sâng, sîn-sâng,lâu ngài-têu khôi-mùn.’
25:12 Kì tshiu en kóng: ‘Ngài sṳ̍t-tshai lâu ngì-têu kóng,ngài m̀-sṳt ngì-têu.’”
25:13 Yâ-sû kóng: “Só-yî, ngì-têu tsho̍k oi kín-siáng, yîn-vi ngì-têu m̀ tî ngit-è, ya m̀ tî sṳ̀-khiên kí-sṳ̀ voi to.