《客語白話字聖經試讀版》

 | | | 轉寄

Má-thai Fuk-yîm thi 24 tsông_04 Ngìn-tsṳ́ ke Tsai-lìm

作者 Hak-ngî Sṳn-kîn 2012.12.23

24:29 “Liá-têu tsâi-nan ke ngit-è tsṳ̂-heu, ngit-thèu tsit-sṳ̀ voi pien vû, ngie̍t-kông ya m̀-voi tsai kông, sên-é voi tshiùng thiên-táng tiet-hâ-lòi,thai-khûng ke ne-thúng ya-voi yèu-thung.
24:30 Ke-sṳ̀, Ngìn-tsṳ́ tsai-lìm ke seu-thèu voi hién-hien tshai thiên-piên, thi-song van-tshu̍k van-mìn tshiu yit-thin voi thai-keu, yu kì-têu voi khon-tó Ngìn-tsṳ́ yû khièn-piang lâu yùng-kông tshô-tén thiên-táng ke yùn kong-lìm.
24:31 Ho-kok ke sâng voi thai-hióng, Kì oi tshâi Kì-ke sṳ́-tsá tshut-hi, tui sṳ-kie liá-phién to sṳ-kie ke-phién, seu-si̍p Kì só kién-sién ke ngìn.