《客語白話字聖經試讀版》

 | | | 轉寄

Má-thai Fuk-yîm thi 17 tsông_02, Yî-hó Pûn Kuí Fu-sṳ̂n ke Se-ngìn-è

作者 Hak-ngî Sṳn-kîn 2012.02.19

17:14 Kì-têu tsón-to tsung-ngìn ke thi-fông sṳ̀, yû yit-ke ngìn lòi khiù Yâ-sû, khuí-pai Kì, kóng:
17:15 Tsú â,khiù ngì khó-lièn ngâ ke lai-é ! Kì pot yòng-tiên, sṳ̍p-fûn kân-khú;yîn-vi kì sòng-sòng tiet lo̍k fó tî-poi, yu sòng-sòng tiet lo̍k suí-tsûng hi.
17:16 Ngài tai kì tshîn-tshiu Ngì-ke mùn-thù, tsúng-he kì-têu mò phan-fap yî-hó kì.”
17:17 Yâ-sû en kóng : “ Ngì-têu liá sṳ-thoi ke ngìn ngióng-pân án mò sin-sîm, án fú-phai ! Ngài hàn oi lâu ngì-têu thùng-tshai liá-vi kí-kiú nè? Hàn oi ngiûn-nai ngì-têu kí-kiú? Tai ngì ke se-ngìn-è lòi Ngài liá-vi.
17:18 Yâ-sû tsit-phi ke kuí; kuí yit lì-khôi ke se-ngìn-è, kì ke phiang tsit-sṳ̀ tshiu tshièn-yi lè.
17:19 Heu-lòi mùn-thù tshiu lòi mun Yâ-sû, kóng : “Ngióng-pân ngài-têu mò fap-thu tsiông kuí kiuk-tshut hi nò?”
17:20,21 Yâ-sû tui kì-têu kóng : “Yîn-vi ngì-têu ke sin-sîm he thet-se. Ngài sṳ̍t-tshai lâu ngì-têu kóng,Ngì-têu ke sin-sîm ká-sṳ́ yû tshiong yit-lia̍p ke-tshoi-tsṳ́ án thai, ngì-têu tshiu-he tui liá-ke sân kóng : ‘Lì-khôi liá-vi, sái-to ke-vi hi.’ kì ya pit-thin sái-khôi; Mò mak-ke sṳ he ngì-têu tso m̀-tó ke.”