《客語白話字聖經試讀版》

 | | | 轉寄

Mâ-thai Fuk-yîm, Thi 10 tsông_4, Só Oi Kiâng ke

作者 Hak-ngî Sṳn-kîn 2011.03.20

10:26 “Só-yî m̀-sṳ́ kiâng kì-têu; yîn-vi yit-tshiet tsâ-tén ke sṳ yû yit-ngit voi kûng-khôi tshut-lòi; pi-me̍t ke sṳ ya voi pûn-ngìn tî.
10:27 Ngâi tshai am-tsûng lâu ngì-têu kóng ke, ngì-têu oi tshai kông-mìn tsṳ̂-ha kóng-tshut-lòi; ngì-têu tshai sṳ̂-ha thâng-tó ke, oi siên-tshòn tshut-lòi.
10:28 Tsṳ́-yû tshṳ̀-sí ngiuk-thí, put-nèn me̍t ngìn ke lìn-fùn, m̀-sṳ́ kiâng kì-têu; m̀-ku só oi kiâng ke tshiu he Song-ti, tsṳ́-yû Kì voi sṳ́ ngìn ke lìn-fùn lâu ngiuk-thí me̍t-mòng lo̍k thi-ngiu̍k hi.
10:29 Lióng-tsak vuk-yàm-tiâu-é suî-yèn tsang mai yit-kok-ngiùn? Na Fu m̀-hén, lièn yit-tsak ya m̀-voi tiet-lo̍k-lòi.
10:30 Lièn ngì-têu ke thèu-nà-mô ya tak-thiàu tû pûn Kì son-ko lô.
10:31 Só-yî, ngì-têu m̀-sṳ́ kiâng! Ngì-têu pí vuk-yàm-tiâu-é kha kui-tshung.