《編輯案頭》

 | | | 轉寄

轉載：百工人工作坊 苗栗青年朝菁英創客邁進

作者 2019.06.16

　　苗栗縣政府上禮拜拜四(六月六號)舉辦百工職人創客工作坊計畫啟動儀式，聚總工藝、印染lâu行動廚房、彩繪liá-teû職人，苗栗縣政府開出九大主題課程，總計一百六十二點鐘專業課程，藉由職人領路方式，pûn 四百空五儕苗栗後生人，yû機會成為菁英創客。

　　苗栗縣創客工坊，以在地職人親自傳授技藝方式，輔導青年學習一技之長，m̀單淨受著想創業ke後生人熱烈回應，tui在地工藝ya-yû良性競爭效果，pûn還啊多人認識在地工藝。

　　苗栗縣政府勞工lâu青年發展處長彭德俊表示：「老幹新枝薪火相傳，áⁿ-nè ke一個理念，做得pûn在地傳統技藝傳承，ya做得pûn ên-lí後生朋友，還kha了解ên-lí在地ke產業lâu文化。」

　　課程預計tui 七月to九月中，課程yû客家元素設計，工藝實作、餐飲、藝術美學liá-teû，展現客庄特有ke山海生活美學，pûn在地工藝加入後生人創意。