《編輯案頭》

| | | 轉寄

轉載:醫護愛講客 

新竹縣he客家大縣,為著提升中國醫藥大學新竹附設醫院ke醫療服務,pûn醫護人員ya做得曉講客、聽得識客話,pûn來看先生、單淨會講客ke客人m̀使愁mò辦法lâu醫護人員清楚自家nái m̀爽快,減少問診lâu照護過程ke問題,故所特別邀請第五十一屆廣播金鐘獎非流行音樂最佳主持人、客委會薪傳師徐子雁,以「醫護愛講客」為主題,上禮拜拜五三月八號現場教授醫護、醫技、行政人員共下學講客。

徐子雁表示,kì以病人家屬to醫院看病ke立場lòi編寫教材,liá he kì這頭一擺為醫護人員量身打造ke客語課程,設計醫護人員日常問診lâu病人求診ke用語,搭配生動活潑ke教學lâu圖卡。分做「日常問候篇」、「醫護問診篇」、「常見病名篇」、「器官名稱篇」。由於中醫大新竹附醫病患來自新竹lâu桃園苗栗,徐子雁ya一擺教了客話ke「海陸腔」lâu「四縣腔」,pûn大家輕鬆學客話。

中醫大新竹附醫醫護人員當多he ho-ló-ngìn,yû人he頭一擺學講客,試著當生趣,還特別用手機錄音錄影,希望多練習客話、講客話、增加對病患ke親切度,ya yû人反應希望多辦幾堂課語課程,pûn大家學還啊多客話,減少問診、照護間ke隔閡;院方也lâu檔案上傳to醫院電子教學平台,pûn錯過這擺演講ke醫護同仁me做得學講客。