《編輯案頭》

 | | | 轉寄

轉載：還ngài阿姆話36週年音樂會

作者 2024.12.22

　　Tui 2022年開始，十二月二十八號he「全國客家日」，m̀單淨紀念1988年十二月二十八號ke「還ngài阿姆話大遊行」，me紀念當代台灣客家族群精神lâu價值。客家公共傳播基金會（客傳會）選ti今年十二月二十八號（拜六）還ngài阿姆話運動36年週年，轉to該年遊行起點、台北市國父紀念館，舉辦「HAKKA還ngài阿姆話36週年音樂會」，邀請得著金曲獎ke「黃子軒lâu山平快」、二擺入圍金曲ke創作才女黃宇寒，lâu客家龐克樂代表「粹垢TRAEGO」樂團，共下大聲講出、唱出大家ke阿姆話——客家話。

　　十二月二十八號（拜六）朝晨十一點開始，ti台北市國父紀念館映池西側廣場yû客家美食、異國美食lâu文創市集，下晝兩點開始，邀請黃子軒lâu山平快樂團、黃宇寒同客家龐克樂團「粹垢」演唱，kì teû會唱出阿姆話ke好，me會展現當代客家流行音樂ke多元樣貌。誠摯邀請大家共下轉to三十六年前「還ngài阿姆話」大遊行ke出發所在，大家自然講客、聽客，尋轉自家ke阿姆話。