《編輯案頭》

 | | | 轉寄

轉載：《奮力啟航：十八位台南客家領航者ke故事》lâu《勇建人生：二十位百工百業台南客家人故事》

作者 2022.12.11

　　台南市客委會十二月七號發表七支紀錄「府城客家身影」影像紀錄，lâu《奮力啟航：十八位台南客家領航者ke故事》、《勇建人生：二十位百工百業台南客家人故事》兩本專書。台南市長黃偉哲講，市府歷經兩年，完成七支影像紀錄、三本台南客家人物專書，看得著客家人定居台南了後ke生命態樣，希望pûn大家體現「ngài客家、ngài臺南、ngài驕傲」。

　　Vi著記錄四百年來mò共樣時期客人lau6台南密切鏈結，台南市政府客家事務委員會發表「府城客家——2022台南客家人文地圖」影像lâu專書。台南市長黃偉哲表示，臺南市he古都文化城市，yû客家文化、原住民文化lâu眷村文化liá teû，臺南市客家人口差m̀多yû十一萬零，希望透過書、語言lâu學校教育ke傳播、活動ke舉行，pûn還kha多ke市民朋友，甚至全國朋友做得看著客家力量，定定仔了解客家文化，希望透過書lâu影片ke發表做得體現「ngài客家、ngài臺南、ngài驕傲」。