《編輯案頭》

| | | 轉寄

轉載:2022客家青少年國際事務訪問團

  因為疫情停辦兩年ke「客家青少年國際事務訪問團」,跈等疫苗大家大體tu yû辦法注射著,ko國境解封,客家委員會me回應學生仔ke想望,今年oi繼續辦理!歡迎全國十五to十八歲ke高中、職、五專在校學生(應屆畢業生me做得),yû客家血緣ya he yû客家淵源yu認同自家he客人ke人,yû中華民國國籍ke後生人,歡迎來參加甄選,報名to 111年五月十五號(拜日)(受理ke時間,he kóng堵著國定假日,順延to下一辦公日)。

  客委會tui民國106年開始籌組「客家青少年國際事務訪問團」,to民國108年,既經yû三屆,共計三十六儕優秀ke客家血緣lâu yû客家淵源yu認同自家he客人ke後生人,參加國際事務觀摩學習、跨文化交流lâu志願服務工作,走訪美國、德國、法國、西班牙、紐西蘭lâu澳洲liá-tén國家,成為客家文化盡好ke親善大使。

  逐屆出訪前ke行前訓練課程豐富多元,yû:客家文化、口語傳播、國際事務、客家藝文lâu客庄實習liá-teû,實地ke海外參訪服務行程做得pûn團員充分體驗跨文化、全球議題ke交流學習,故所逐屆tu siàng百ko儕學生仔報名參加。詳細資訊請看官網:http://www.hakkayouth.com.tw。